У Брытаніі заявілі аб закрыцці сотняў дзяржаўных арганізацый

Для аптымізацыі працы ўрада.

Брытанія заявіла, што можа закрыць сотні дзяржаўных арганізацый, бо імкнецца скараціць выдаткі і падвысіць прадукцыйнасць у эпоху глабальнай нестабільнасці, паведамляе Reuters.

У Брытаніі існуюць сотні quangos, ці квазі-аўтаномных няўрадавых арганізацый. Яны фінансуюцца падаткаплатнікамі, але не кантралююцца міністрамі, і ўключаюць такія дзяржаўныя органы, як Выканаўчы камітэт аховы здароўя і бяспекі, Network Rail і Міграцыйны кансультатыўны камітэт.

"Кожнае кванга ва ўрадзе будзе перагледжанае з мэтай закрыцця, зліцця або вяртання функцый ва (урадавыя) дэпартаменты, калі яго далейшае існаванне не можа быць апраўданым", – гаворыцца ў заяве ўрада ў панядзелак.

Брытанія знаходзіцца ў рэжыме зацягвання паясоў, паколькі міністр фінансаў Рэйчэл Рыўз спрабуе выконваць свае фіскальныя правілы, а таксама змагацца з наступствамі тарыфаў прэзідэнта ЗША Дональда Трампа, якія знізілі прагнозы эканамічнага росту.

Урад папярэдзіў, што глабальная нестабільнасць азначае, што ён павінен ісці "далей і хутчэй" у сваіх рэформах бюракратыі.

У мінулым месяцы прэм'ер-міністр Кір Стармер заявіў, што ліквідуе NHS England, орган, які ажыццяўляе нагляд за сістэмай аховы здароўя, і вяртае яго функцыі ва ўрадавы дэпартамент аховы здароўя, каб зэканоміць сотні мільёнаў фунтаў стэрлінгаў.

Урад заявіў, што рэформа не закране некаторыя галіны, напрыклад, тыя, якія займаюцца кантролем за дзейнасцю ўрада або абаронай вяршэнства права.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]