«Пуціна могуць “знесці”»

Як падзенне коштаў нафты адаб'ецца на РФ.

Расейская эліта можа зрушыць дыктатара Пуціна пасля таго, як кошты нафты дасягнуць крытычна нізкага парога.

Пра гэта ў каментары РБК-Украіна заявіў украінскі паліттэхнолаг Тарас Загародні.

«Пакуль там ва ўладзе Пуцін, ён будзе “быкаваць” да канца. Але калі будзе падзенне коштаў нафты, то там у элітаў будуць прапановы зносіць гэтага псіха і рабіць тое, што трэба», – мяркуе палітолаг.

Бо паводле ягоных словаў, Расеі ўсё роўна патрэбныя грошы для таго, каб забяспечваць як грамадзянаў, так і рэгіёны. Бо без датацый некаторыя з іх могуць задумацца над тым, ці патрэбная ім Расея.

Палітолаг таксама мяркуе, што ЗША ведаюць, які сапраўдны стан эканомікі Расеі і такім чынам спрабуюць ціснуць на яе. Аднак Пуцін усё роўна прадаўжае «быкаваць», бо думае, што пераможа ў такой пагоні.

– Глядзіце, там падаюць чыгуначныя перавозкі. Гэта азначае, што не так усё добра ў эканоміцы. А гэта прыкметы таго, што нават на тым, што перавозяцца вайсковыя грузы, не ўсё так добра. А далей выдаткі. Іх выдаткі на абарону і на вайну большыя, чым у Савецкім Саюзе. І пры падзенні кошту нафты, калі яна рэальна ўлупіць недзе там ніжэй за 30 даляраў, гэта вельмі добрая сітуацыя для нас, – падкрэсліў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]