Лукашысты занерваваліся праз заробкі бюджэтнікаў у Беларусі
16- 8.04.2025, 19:37
- 30,076
Таксама ёсць неразвязанае пытанне і з пенсіямі.
У Беларусі захоўваецца некалькі неразвязаных пытанняў з заробкамі, заяўляюць у Федэрацыі прафсаюзаў. Адное з іх тычыцца несвоечасовай выдачы грошай, а другое - выплат бюджэтнікам. Таксама ёсць неразвязанае пытанне і з пенсіямі, піша «Зеркало».
“Яшчэ застаюцца некаторыя пытанні аб заробку бюджэтнікаў. За мінулы год ён падвысіўся на 17,4%, - паведаміла намесніца старшыні Федэрацыі прафсаюзаў Таццяна Філімонава. — Аднак закладзены ў Генеральным пагадненні (паміж урадам, наймальнікамі і прафсаюзамі. — Заўв. рэд.) узровень прапорцыі з сярэднім заробкам у краіне пакуль у поўным аб'ёме не дасягнуты”.
Як паведамляюць прафсаюзы, у студзені-снежні мінулага года заробкі бюджэтнікаў склалі 76,7% ад сярэдняга ў краіне. Пры гэтым генеральным пагадненнем паказчык закладзены на ўзроўні 80 адсоткаў. Узяць гэтую планку не ўдаецца не першы год.
Якая праблема ёсць з пенсіямі
"Ёсць пытанні і з прапорцыяй сярэдняй пенсіі з прычыну ўзросту з сярэднім заробкам", – дадаюць у Федэрацыі прафсаюзаў. Нагадаем, чыноўнікі не першы год хочуць, каб пенсіі былі на ўзроўні 40% ад сярэдняга заробку ў краіне. Хаця пакуль яго дасягнуць не ўдаецца. Напрыклад, летась у снежні гэты паказчык быў 31,6 адсотка.
Што з запазычанасцю ў заробках
Устурбаванасць у афіцыйных прафсаюзаў таксама выклікаюць “выпадкі несвоечасовай выплаты заробку, якія яшчэ маюць месца”.
“За мінулы год прафсаюзы выявілі 269 фактаў незахавання тэрмінаў разліку з працаўнікамі. У параўнанні з мінулымі гадамі статыстыка, безумоўна, палепшылася, прычым значна. Аднак пытанне застаецца на кантролі”, - заявілі ў Федэрацыі прафсаюзаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
