У Беларусі наймальнікам сказалі падаць звесткі пра супрацоўнікаў

Для чаго будзе выкарыстаная гэтая інфармацыя.

Службы занятасці запусцілі апытанне наймальнікаў, якіх працаўнікоў ім не стае. Гэта робяць для таго, каб спрагназаваць патрэбнасці эканомікі ў кадрах. Сярод іншага ў працадаўцаў пытаюцца аб працаўніках пенсійнага ўзросту, піша «Зеркало».

Апытанне запусцілі з 7 красавіка, яно працягнецца да 16 чэрвеня. Каб працадаўцы змаглі выказацца на гэтую тэму, ім трэба зайсці ў асабісты кабінет на партале дзяржаўнай службы занятасці (для гэтага патрэбны электронны лічбавы подпіс) і запоўніць спецыяльную анкету.

"Гэтыя апытанні будуць выкарыстаныя для фармавання прагнозу кадравай патрэбнасці эканомікі на найбліжэйшыя пяць гадоў", — адзначаюць службы занятасці.

Сярод іншага наймальнікаў у анкеце пытаюцца аб месцах, якія павінны вызваліцца з-за "выбыцця работнікаў з натуральных узроставых прычын - выхадам на пенсію". Пры адказе на пытанне ў гэтай графе просяць указаць усіх прцаўнікоў, якія ў найбліжэйшыя гады дасягнуць пенсійнага ўзросту (для жанчын гэта 58 гадоў, а для мужчын — 63). "Пры гэтым усё адно, застаюцца працаваць у вас гэтыя супрацоўнікі або ж сыходзяць на пенсію", – адзначаюць службы занятасці ў тлумачэнні, як запаўняць анкету.

Тым часам на 7 красавіка агулам па краіне не стае 196 376 работнікаў.

Развязаць праблему з нястачай працаўнікоў у Беларусі не ўдаецца не першы год. Сярод прычын - ад'езд спецыялістаў на працу за мяжу, а таксама звальненні праз палітыку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]