Украіна сфармавала сваю пазіцыю датычна дамовы з ЗША аб нетрах

Пра гэта паведаміў кіраўнік МЗС Украіны.

Украіна ўжо выпрацавала сваю пазіцыю датычна дамовы са Злучанымі Штатамі Амерыкі аб рэдказямельных металах і фармуе групу, якая паедзе на перамовы ў Вашынгтон.

Пра гэта міністр замежных справаў Украіны Андрэй Сібіга заявіў у каментары «Укрінфарму».

«З украінскага боку будзе фіналізаваны склад перамоўнай групы, якая найбліжэйшым часам адбудзе ў Вашынгтон для прадметнага абмеркавання прапанаванага амерыканскім бокам тэксту пагаднення. Мы выпрацавалі ўжо сваю пазіцыю, таксама сваю візію датычна тэксту будучай дамовы», – сказаў Сібіга.

Ён падкрэсліў, што будучае пагадненне павінна быць узаемавыгадным, адпавядаць інтарэсам абодвух бакоў, а таксама не павінна супярэчыць курсу Украіны на еўраінтэграцыю.

«Гэта адна з прынцыповых пазіцый для ўкраінскага боку», – падкрэсліў міністр.

Сібіга таксама пацвердзіў, што будзе абраная адна з асноўных юрыдычных кампаній, якая будзе суправаджаць перамоўны працэс.

Паводле ягоных словаў, у склад дэлегацыі, якая паедзе ў Вашынгтон, будзе ўключаны прадстаўнік МЗС Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]