Мінлясгас прадказаў знікненне ялін на большай частцы Беларусі

Якія дрэвы іх заменяць?

Звыклыя беларусам елкі могуць знікнуць з паўднёвай і цэнтральнай частак краіны ў найбліжэйшыя 50-100 гадоў. Такі прагноз агучыў галоўны спецыяліст управы лясной гаспадаркі Мінлясгаса Аляксандр Аўсей. Віной усяму, паводле ягоных слоў, глабальнае пацяпленне і звязаныя з ім змены, піша "Тэлеграф".

У сваім выступе чыноўнік патлумачыў, што Беларусь з'яўляецца паўднёвай мяжой арэала распаўсюджвання елкі еўрапейскай. З-за "павелічэнні сярэднегадовай тэмпературы паветра" і "зніжэння ўзроўню грунтавых вод" гэты самы арэал, як сцвярджае спецыяліст, "паступова ссоўваецца на поўнач".

"Таму, з паўднёвай і з цэнтральнай часткі Беларусі, паводле прагнозаў навукоўйцаў, найбліжэйшыя 50-100 гадоў елка пойдзе на паўночную частку нашай краіны", — заявіў Аўсей.

Праблема пагаршаецца, як вынікае з каментара ведамства, яшчэ і цыклічнымі ўспышкамі размнажэння караеда-тыпографа, які пашкоджвае менавіта яловыя насаджэнні. У той час як хвоі пакутуюць ад іншага шкодніка - вяршыннага караеда, чыя актыўнасць была асабліва высокая ў 2017-2019 гадах.

Што ж прапаноўвае Мінлясгас наўзамен “елкі, якая сыходзіць на поўнач”? Паводле слоў Аўсея, у паўднёвых рэгіёнах ужо "актыўна выкарыстоўваюцца" для лесааднаўлення іншыя, больш устойлівыя да новых умоў, драўняныя віды: дуб, ясень, клён, вяз, а таксама лістоўніца еўрапейская.

Акрамя таго, вядуцца "навуковыя працы" аб адзнацы эфектыўнасці выкарыстання піхты белай (якая, дарэчы, сама з'яўляецца абарыгенным відам, занесеным у Чырвоную кнігу) і бука ляснога. Аднак чыноўнік абмовіўся, што перад іх "масавым укараненнем" неабходна "навуковае і ўсебаковае вывучэнне ўсіх аспектаў", уключаючы ўплыў на мясцовую флору.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]