Навукоўцы: Свойскія жывёлы паляпшаюць якасць жыцця

Спецыялісты падлічылі грашовы эквівалент шчасця ад уладання гадаванцамі.

Брытанскія навукоўцы з Кенцкага ўніверсітэта разлічылі грашовы эквівалент шчасця ад наяўнасці ў чалавека сабакі ці ката. Высветлілася, што ўладанне гадаванцамі прыносіць уладальнікам істотны прыбытак у плане задаволенасці жыццём. Даследаванне апублікаванае ў навуковым часопісе Social Indicators Research (SIR).

Выснова была зробленая з выкарыстаннем «падыходу да задаволенасці жыццём» – метадалогіі, распрацаванай эканамістамі, і працэсу, які выкарыстоўвае просты рэгрэсійны аналіз для вызначэння няяўнага кошту розных чыннікаў або падзей у жыцці.

Разлікі паказалі, што калі перавесці звязаны з чацвераногімі кампаньёнамі жыццёвы дабрабыт у грошы, атрыманы памер складзе блізу £ 70 тыс. за год у параўнанні з самотным жыццём.

«Гэтае даследаванне адказвае адназначным “так” на пытанне, ці карысныя для нас свойскія жывёлы. Гадаванцы клапоцяцца пра нас, і іх зносіны маюць значную грашовую каштоўнасць.

Гэтую інфармацыю можна выкарыстоўваць у практыцы аховы здароўя і палітыцы, накіраванай на павышэнне дабрабыту і задаволенасці жыццём людзей, якія маюць чацвераногіх любімцаў», – адзначыла галоўная аўтарка даследавання, доктарка Адэліна Гшвандтнер.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]