У РФ блакадніцу абвінавацілі ў «дыскрэдытацыі» войска

83-гадовая Людміла Васільева ўдзельнічала ў пратэстах і вылучалася на пасаду губернатаркі Санкт-Пецярбурга.

На 83-гадовую блакадніцу Людмілу Васільеву з Санкт-Пецярбурга складзены пратакол аб «дыскрэдытацыі» войска Расеі, паведамляе ў сваім Telegram-канале пецярбургскае выданне «Папера» ў сераду, 9 красавіка. Пазней пратакол вярнулі ў паліцыю.

Паводле звестак журналістаў, яе абвінавачваюць праз антываенны пікет: 24 лютага 2025 года яна выйшла да Гасцінага двара з плакатам, на якім было напісана: «Людзі, спынім вайну! Мы адказныя за мір на планеце Зямля». Тады да яе падыходзілі супрацоўнікі паліцыі, але не затрымалі.

Аб'яднаная прэс-служба судоў Пецярбурга ў сваім Telegram-канале паведаміла, што Васільева «ажыццявіла дэманстраванне навакольным ліста паперы з пэўным надпісам», чым здзейсніла «публічныя дзеянні, накіраваныя на дыскрэдытацыю выкарыстання УС РФ».

У тым самым пасце гаворыцца, што Куйбышаўскі суд Санкт-Пецярбурга азнаёміўся з матэрыяламі і «вярнуў іх для ліквідацыі недахопаў, якія перашкаджаюць разгляду», ў паліцыю.

У 2024 годзе Людміла Васільева вылучыла сваю кандыдатуру на выбарах губернатаркі Санкт-Пецярбурга, але не змагла сабраць патрэбную колькасць подпісаў у сваю падтрымку для рэгістрацыі. З пачатку вайны ва Украіне яна рэгулярна ўдзельнічае ў пратэставых акцыях, на якіх яе некалькі разоў затрымлівалі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]