Сенатары ЗША падтрымалі «знішчальныя» санкцыі супраць Расеі
27- 1.05.2025, 10:34
- 32,042
Пуціну выстаўляюць ультыматум.
Большасць сэнатараў падтрымліваюць законапраект аб «зруйнавальных» санкцыях супраць Расеі і пакупнікоў яе нафты і газу, калі Уладзімір Пуцін не пачне сур'ёзныя перамовы аб спыненні вайны супраць Украіны.
Пра гэта заявіў сэнатар-рэспубліканец Ліндсі Грэм, паведамляе Bloomberg.
Адзін з ключавых супольнікаў прэзідэнта Дональда Трампа заявіў, што законапраект падтрымліваюць 72 сэнатары.
«Мэта - дапамагчы прэзідэнту», - заявіў Грэм 30 красавіка, у той жа дзень, калі Вашынгтон і Кіеў падпісалі ўгоду аб доступе да прыродных рэсурсаў Украіны.
Як адзначае Bloomberg, угода дала пэўную ўпэўненасць афіцыйным асобам у Кіеве, якія баяліся, што Трамп можа адмовіцца ад падтрымкі мірных перамоў.
Пісталет ля скроні Пуціна
Пакаранні будуць уключаць 500% мыту на імпарт з краін, якія купляюць расейскую нафту, нафтапрадукты, прыродны газ ці ўран. Іншыя санкцыі таксама забароняць грамадзянам ЗША купляць расейскі суверэнны доўг.
«Я хачу, каб вайна была спыненая шляхам перамоў, сумленна і справядліва. Я думаю, што Трамп - найлепшы чалавек для дасягнення гэтай мэты, але гэтыя санкцыі адлюстроўваюць пункт гледжання Сэната, што мы бачым, што галоўным дрэнным хлопцам з'яўляецца Расея», - сказаў сэнатар.
Грэм дадаў, што Пуцін «зрабіў бы вялікую памылку, калі б паспрабаваў гуляць з Трампам, таму гэты законапраект з'яўляецца інструментам у арсенале прэзідэнта Трампа».
«Калі прэзідэнт Трамп палічыць, што мы зайшлі ў нявыкрутку, чакайце дзеянняў», - сказаў ён.
Грэм заявіў, што ў яго дастаткова падтрымкі ў Палаце прадстаўнікоў, каб унесці законапраект аб санкцыях на разгляд і там.
Ён заявіў, што Пуціну ў выніку давядзецца выбіраць паміж сустрэчай з Трампам і спыненнем вайны або «разгромам» расейскай эканомікі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
