Палітолаг: ЗША і Еўропа могуць «закруціць гайкі» вакол Пуціна
1- 1.05.2025, 17:50
- 3,290
Ужо ў найбліжэйшыя дні.
ЗША і Еўропа, імаверна, ужо найбліжэйшымі днямі ўзмоцняць ціск на расейскага дыктатара Пуціна. Гэта можа адбыцца на фоне 9 траўня.
Пра гэта ў каментары РБК-Украіна заявіў палітолаг Алег Саакян.
Ён адзначыў, што апошні візіт спецпрадстаўніка прэзідэнта ЗША на Блізкім Усходзе Стыва Уіткафа да расейскага дыктатара Пуціна «скончыўся нічым». Пры гэтым кіраўнік Крамля ў аднабаковым парадку прапанаваў Украіне замірэнне толькі на тры дні. Ён фактычна забраў у Вашынгтона «палітычную перамогу».
На думку Саакяна, апошнія перамовы прэзідэнта Францыі Эмануэля Макрона, прэм'ера Брытаніі Кіра Стармера, прэм'ера Італіі Джорджы Мелоні і прэзідэнта Фінляндыі Аляксандра Стуба з прэзідэнтам ЗША Дональдам Трампам дапамаглі амерыканскаму лідару ўсвядоміць, што Пуцін «водзіць яго за нос».
Пры гэтым палітолаг мяркуе, што Еўропа дала ЗША «больш люфту» ў перамовах з Расеяй. Дарэчы, на гэта паказвае артыкул у брытанскіх СМІ - «кааліцыя рашучых» нібыта разглядае магчымасць не адпраўляць ва Украіну наземны кантынгент. Таксама еўрапейскія краіны, імаверна, дапусцілі аслабленне санкцый. Але ўмовай такіх саступак, на думку Саакяна, стаў ціск на РФ у выпадку адмовы ад угоды.
- І дзяржсакратар ЗША Марка Рубіё выйшаў і сказаў пра тыдзень, Трамп сказаў - «тыдзень-два», Макрон сказаў - «8-10 дзён». Гэта ўсё гаворыць аб тым, што пэўны таймер запушчаны. І цалкам магчыма, што сапраўды праз тыдзень прыкладна, пасля 9 траўня ці на фоне ўжо 9 траўня, мы ўбачым дадатковае закручванне гаек вакол Пуціна, - дадаў ён.
Таксама Саакян звярнуў увагу, што Еўропа хоча сінхранізаваць з ЗША ціск на Расею, бо толькі еўрапейскія санкцыі будуць «бяздзейнымі».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
