Індыя атакавала ракетамі базы ВПС Пакістана

Удары нанесеныz паблізу Генштаба пакістанскага войска.

На фоне абвастрэння канфлікту з Пакістанам Індыя закрыла больш за 30 мірных аэрапортаў да 15 траўня: пасля гэтага індыйскія войскі пачалі атаку Пакістана.

Пад удар, дарэчы, трапіла база вайскова-паветраных сіл Нур-Хан у Равалпіндзе, дзе пачаўся пажар: паблізу ад гэтага месца размешчаны Генеральны штаб пакістанскага войска.

Аб індыйскай атацы па Пакістане гэтай ноччу паведамілі ў Clash Report.

Адзначалася, што індыйскія крылатыя ракеты атакуюць базы пакістанскіх ВПС. Над пакістанскай сталіцай, горадам Ісламабадам, фіксавалі актыўную працу сіл супрацьпаветранай абароны. Індыйскія ракеты перахаплялі ў накірунку базы Рафікі каля Шаркота, Джанга.

Таксама пад удар патрапіла база вайскова-паветраных сіл Пакістана Нур-Хан у Равалпіндзе.

Паводле інфармацыі Clash Report, паблізу пакістанскай базы Нур-Хан у Равалпіндзе, у Чаклале, размешчаны Генеральны штаб пакістанскага войска. У СМІ падкрэслілі, што гэта "вельмі важна".

На месцы атакі ў Равалпіндзе прагрымеў магутны выбух і пачаўся пажар.

Блізу 01:00 гадзін у Clash Report таксама паведамілі, што, папярэдне, падчас індыйскай ракетнай атакі быў знішчаны пакістанскі транспартны самалёт C-130 на базе ВПС Пакістана Нур-Хан у Равалпіндзе.

Афіцыйнай поўнай інфармацыі аб начным нападзе Індыі па базах ВПС Пакістана пакуль не выдаюць.

Адзначым, што пакістанскі ўрад ужо адрэагаваў на атаку Індыі. Улады выклалі допіс у сеціве, у якім заклікалі Індыю «рыхтавацца да адплаты». Таксама паведамляецца, што Пакістан закрыў сваю паветраную прастору: зараз у небе над краінай няма ніводнага паветранага судна.

Індыя закрыла цывільныя аэрапорты

Управа ў пытаннях авіяцыі Індыі (DGCA) абвясціла аб часовым закрыцці цывільных аэрапортаў: усяго пад абмежаванні патрапілі 32 аэрапорты ў паўночнай і заходняй частках краіны.

"Уся цывільная авіяцыйная дзейнасць у гэтых аэрапортах будзе прыпыненая цягам гэтага перыяду", – гаворыцца ў заяве DGCA.

Адзначаецца, што Індыя ўжыла такія захады "з эксплуатацыйных прычын". Аэрапорты павінны аднавіць сваю працу 15 траўня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]