Украінскія партызаны праніклі на важны абаронны завод у Санкт-Пецярбургу
- 10.05.2025, 10:42
- 3,388
Прадпрыемства стварае дроны, РЛС і сістэмы саманавядзення для ракет.
Партызаны правялі выведку на важным для ВПК Расеі заводзе ў Санкт-Пецярбургу.
Пра гэта паведамляе Telegram-канал партызанскага руху «АТЭШ».
Так, агенты працягваюць працаваць па выяўленні аб'ектаў, якія адыгрываюць ключавую ролю ў падтрыманні расейскага вайсковага патэнцыялу.
«На гэты раз нашы людзі правялі паспяховую выведку акцыянернага таварыства» Навукова-вытворчае прадпрыемства «Радар ММС», размешчанага ў Санкт-Пецярбургу», – гаворыцца ў паведамленні.
Падчас выведкі агенты «АТЭШ» вывучылі рэжым аховы, зафіксавалі ўнутраную лагістыку, маршруты перамяшчэння прадукцыі і персаналу, а таксама асаблівасці інжынернай інфраструктуры прадпрыемства.
«Асаблівая ўвага была ўдзеленая тэхналагічным лініям, звязаным з вайсковымі заказамі. Атрыманая інфармацыя ўжо перададзеная Сілам абароны Украіны для далейшай працы», – адзначаюць партызаны.
Што вядома аб прадпрыемстве «Радар ММС»
Гэта прадпрыемства з'яўляецца адным з вядучых распрацоўнікаў радыёэлектронных сістэм і комплексаў як спецыяльнага, так і мірнага прызначэння.
«Радар ММС» актыўна ўдзельнічае ў стварэнні высокатэхналагічных развязанняў для расейскага войска, уключаючы сістэмы саманавядзення для ракет, авіяцыйныя пошукава-прыцэльныя комплексы, беспілотныя лятальныя апараты і радыёлакацыйныя станцыі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
