Мэрц з Кіева папярэдзіў Пуціна
10- 10.05.2025, 13:30
- 10,890
Захад гатовы да жорсткага адказу.
Новы канцлер Нямеччыны Фрыдрых Мэрц падчас першага візіту ў Кіеў заклікаў да спынення агню і прыстрашыў расейскага дыктатара Уладзіміра Пуціна санкцыямі, перадае УНИАН.
«Мы заклікаем да 30-дзённага спынення агню, каб за гэты час можна было падрыхтаваць мірныя перамовы. Цяпер мяч на баку Пуціна і ён павінен адказаць на гэтую прапанову», - заявіў канцлер.
Ён папярэдзіў, што калі Крэмль не пагодзіцца на замірэння, Захад гатовы да жорсткага адказу.
«У выпадку адмовы будзе сур'ёзнае ўзмацненне жорсткасці санкцый і маштабная падтрымка Украіны - палітычная, фінансавая і вайсковая», - дэталізаваў Мэрц.
З яго слоў, ЗША і асабіста прэзідэнт Дональд Трамп падтрымліваюць такі падыход, імаверна, праз тое, што «губляюць цярпенне» ў дачыненні да Пуціна. У сувязі з гэтым канцлер акцэнтаваў, што зараз паміж Еўропай і ЗША назіраецца «дзіўна высокі ўзровень згоды».
«Калі дамагчыся замірэння не атрымаецца, ЗША зробяць больш жорсткімі санкцыі супраць Расеі», - канкрэтызаваў Мэрц.
Ён таксама заявіў аб гатоўнасці Еўропы агулам прадаўжаць перамовы аб заканчэнні вайны ва Украіне. Але пры гэтым на пытанне аб магчымых асабістых перамовах з Пуціным Мэрц адказаў унікліва.
«Калі ўзнікне неабходнасць, калі гэта дапаможа пакласці канец вайне, я гатовы зрабіць шмат. Але спачатку мы павінны паглядзець, ці зможам дасягнуць мэты спынення агню пасля гэтых выходных», - сказаў Мэрц.
Візіт лідараў краін-хаўрусніц Украіны ў Кіеў
Сёння раніцай чацвёрка лідараў краін-хаўрусніц Украіны прыбыла ў Кіеў. Гэта першы супольны візіт лідараў чатырох краін ва Украіну. На вакзале іх сустрэлі ўкраінскія чыноўнікі.
Напярэдадні паездкі ў Кіеў Мэрц паведаміў, што краіны Еўропы распрацавалі дэкларацыю аб спыненні агню ва Украіне, якая ў прынцыпе шмат у чым паўтарае ідэі амерыканскага прэзідэнта Дональда Трампа.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
