Bloomberg: У свеце адкрылі гіганцкае радовішча каштоўных металаў
4- 10.05.2025, 15:10
- 15,964
Найбуйнейшае за 30 гадоў.
Партнёр BHP Group у супольным прадпрыемстве Lundin Mining Corp. абвясціў, што праект Filo del Sol у Паўднёвай Амерыцы стаў найбуйнейшым адкрыццём медзі за апошнія тры дзесяцігоддзі на аснове новых вынікаў свідравання і аналізу.
Аб гэтым піша Bloomberg.
Нераспрацаванае радовішча змяшчае сама меней 13 мільёнаў тон металу, а таксама значную колькасць золата і срэбра. Свідраванне працягваецца, і меркаваны памер радовішча павялічваецца, заявіла Lundin.
«Распрацоўваць медныя руднікі становіцца ўсё цяжэй і нашмат даражэй, нават нягледзячы на тое, што сусветны попыт на гэты метал, паводле прагнозаў, будзе расці, улічваючы яго ролю ў энэргетычным пераходзе», – гаворыцца ў публікацыі. - «Такі прагноз выклікаў хвалю зліццяў у галіне, а таксама прагнозы аб сталым дэфіцыце - і больш высокіх коштах - у будучыні».
Першапачатковыя так званыя мінеральныя рэсурсы «падкрэслілі патэнцыял аднаго з самых высокагатункавых нераспрацаваных праектаў па здабычы медзі адкрытым спосабам у свеце, а таксама аднаго з найбуйнейшых рэсурсаў золата і срэбра ў свеце», сказаў галоўны выканаўчы дырэктар кампаніі Джэк Лундзін.
Летась BHP набыла Filo Corp. за $3 млрд у партнёрстве з Lundin, каб атрымаць права ўласнасці на два медныя праекты, вядомыя як Filo del Sol і Josemaria, размешчаны на аргенцінска-чылійскай мяжы.
Для таго, каб ператварыць іх у новыя шахты, спатрэбяцца многія гады і мільярды даляраў.
BHP Group Limited - найбуйнейшая ў свеце горназдабыўная кампанія. Штаб-кватэра кампаніі размешчана ў Мельбурне.
BHP Billiton здабывае баксіты, вугаль, медзь, марганец, жалезную руду, уран, нікель, алмазы, срэбра і тытаназмяшчальныя мінералы, а таксама нафту і прыродны газ. Здабыўныя магутнасці кампаніі сканцэнтраваныя ў 25 краінах.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
