Беларускую банкноту за вялікія грошы перапрадаюць на eBay
2- 10.05.2025, 19:14
- 3,960
На аўкцыёне зроблена стаўка, якая ў чатыры разы перавышае адпускную цану.
У сакавіку Нацбанк анансаваў выпуск юбілейнай банкноты, прысвечанай 80-годдзю Перамогі. У яе вельмі незвычайны намінал: 80 рублёў. Тыраж невялікі: 80 тысяч штук. "Перакупы" ўжо пачалі зарабляць на купюры, піша Blizko.by.
На днях банкнота паступіла ў продаж па кошце 120 рублёў. На яе адразу ўзнік ажыятажны попыт, дзясяткі пакупнікоў сталі ў аддзяленні Нацбанка на вуліцы Талстога, каб купіць сабе гэтую банкноту і/ці памятныя манеты ў гонар 80-годдзя Перамогі. Пры гэтым яны сфармавалі спіс, у якім аказалася ўжо некалькі сотняў (!) чалавек, а да канца дня 7 траўня ў спісе было ўжо пад 800 чалавек.
Цікаўва, што ў той жа дзень на аўкцыёне eBay купюра з'явілася ў перапродажы ў прадаўца, які адзначыў свой адрас як горад Крагуевац у Сербіі. Магчыма, на той момант купюры ў самога прадаўца яшчэ не было і ён толькі разлічваў атрымаць яе пазней. Аднак на фатаграфіях прадстаўлены «жывыя» выявы банкноты ў футарале — не выключана, што купюра на момант публікацыі абвесткі ўжо была ў прадаўца на руках. Прадавец пазначаны нікам worldcollectibles і перапрадае розныя калекцыйныя рэчы.
На 9 траўня была зроблена ўсяго адна стаўка, бягучы кошт складае 160 даляраў ЗША. Гэта роўна ў 4 разы перавышае адпускную цану ў аддзяленні Нацбанка (120 рублёў, або 39,8 даляра па афіцыйным курсе).
Таксама знайшлося мінімум 6 прапаноў банкноты на аўкцыёне Ay.by. Іх прадаюць па кошце прыкладна ад 150 рублёў з чаканнем найвышэйшай стаўкі. Адзін з прадаўцоў гатовы саступіць банкноту не чакаючы канца таргоў, па фіксаваным кошце ў 225 рублёў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
