«Па горадзе пераможцы ездзяць»
9- 9,472
Уражанні гамельчукоў ад святкавання 9 траўня.
Жыхар Гомеля падзяліўся з «Флагштокам» сваімі адчуваннямі аб святкаванні Дня перамогі ў Гомелі і зазначыў, што свята ўсё больш пачынае нагадваць расейскую «перамогу»:
«Пасля таго, як Лукашэнка сказаў, што можна вешаць «каларадскія» стужачкі, яны сталі сустракацца ўдвая часцей. Абы не як ва Украіне. Вось так яны «з фашызмам змагаюцца» з Расеяй. У гэтым годзе трэшу стала нашмат больш усюды. Яшчэ некалькі гадоў такой апрацоўкі — і «победобесие» будзе як і ў Расеі».
Са слоў гамельчука, калі ў ранейшыя гады дзяржарганізацыі, школы, паліклінікі развешвалі невялікія плакаты, то зараз - расцяжкі са слоганамі: «Я памятаю, я ганаруся», «Мы перамаглі».
«Па горадзе пераможцы ездзяць - машыны з вокнамі заднімі і пасажырскімі, заклеенымі плакатамі. Нейкія актывісты. За пару дзён 4 аўто размаляваныя бачыў. Думаю, гэта нейкія ідэолагі, можа з сістэмы адукацыі нехта», — працягвае гамяльчук.
Ён адзначае, што крынж сустракаецца часта. Напрыклад, у прадуктовай краме і касіры, і грузчыкі вышлі на працу ў пілотках з чырвонымі зоркамі:
«А чаго без аўтаматаў і касак выйшлі, пытаецца?»
У той жа час, па назіраннях суразмоўцы, «народ усё гэта не моцна падтрымлівае»:
«Не бачыў такога, каб абдымаліся і віншавалі адзін аднаго як у Расеі. Не блытайце арганізаваную масоўку з простымі людзьмі».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
