Трамп адрэагаваў на адмову Пуціна пачаць перамір'е з 12 траўня

Наступны тыдзень будзе «вялікі».

Дональд Трамп пракаментаваў начныя заявы расейскага дыктатара Уладзіміра Пуціна пра прамыя перамовы з Украінай. Прэзідэнт ЗША заявіў, што прадоўжыць працаваць з абодвума бакамі, а наступны тыдзень будзе «вялікі».

Пра гэта паведамляе РБК-Украіна са спасылкай на ягоны пост у сацсетцы Truth Social.

«Патэнцыйна вялікі дзень для Расеі і Украіны! Падумайце пра сотні тысячаў жыццяў, якія будуць выратаваныя, калі гэтая бясконцая “крывавая лазня”, спадзяюся, скончыцца. Гэта будзе зусім новы і значна лепшы свет. Я буду прадаўжаць працаваць з абодвума бакамі, каб упэўніцца, што гэта адбудзецца. ЗША хочуць засяродзіцца на аднаўленні і гандлі. Мае быць вялікі тыдзень!» – рэзюмаваў Трамп.

Пуцін адмовіўся ад перамір'я, але прапанаваў перамовы

Нагадаем, учора Украіна, ЗША і «кааліцыя ахвотных» прапанавалі Расеі пачаць 30-дзённае поўнае спыненне агню ўжо з панядзелка, 12 траўня. Сярод іншага, у нейкім сэнск быў пастаўлены ультыматум – альбо згода, альбо новыя санкцыі супраць РФ.

Уначы Пуцін выступіў з заявай, у якой праігнараваў тэму 30-дзённага спынення агню. Замест гэтага ён прапанаваў аднавіць прамыя перамовы з Украінай ужо ў наступны чацвер, 15 траўня, у Стамбуле. Прычым без умоваў.

Сёння ў яго павінна быць размова з прэзідэнтам Турцыі Рэджэпам Таіпам Эрдаганам, падчас якой ён папросіць яго даць пляцоўку для перамоваў, якія былі перапыненыя ў 2022 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]