У Албаніі пачаліся лёсавызначальныя парламенцкія выбары

Галасаванне з'яўляецца важным выпрабаваннем на шляху балканскай краіны да сяброўства ў Еўразвязе.

У Албаніі 11 траўня пачаліся выбары ў аднапалатны парламент.

Як адзначае Reuters, гэта з'яўляецца важным выпрабаваннем на шляху балканскай краіны да сяброўства ў Еўразвязе.

Прэм'ер-міністр Албаніі Эдзі Рама, які ўзначальвае ўрад з 2013 года і з'яўляецца лідарам Албанскай сацыялістычнай партыі, спадзяецца на перавыбранне. Ён таксама абвясціў, што ягонай галоўнай мэтай застаецца ўступленне краіны ў ЕЗ да 2030 года. Аднак многія маладыя выбарнікі стаміліся ад палітыкаў, якія дамінуюць у краіне ўжо больш за тры дзесяцігоддзі, адзначаюць журналісты.

Галоўным спаборнікам Рамы з'яўляецца Салі Берыша, былы прэзідэнт і прэм'ер-міністр Албаніі, лідар Кансерватыўнай партыі. Ён узначальвае апазіцыйны альянс і выступае на выбарах з лозунгам Вялікая Албанія. Як пішуць журналісты, Берыша імкнецца вярнуцца да ўлады пасля 12 гадоў апазіцыйнай дзейнасці.

Як удакладняе DW, Берыша знаходзіцца пад пільным наглядам албанскіх праваахоўнікаў праз абвінавачанні ў карупцыі. У 2021 годзе ЗША наклалі на яго санкцыі праз падазрэнні ў хабарніцтве і незаконнае ўзбагачэнне.

Паводле перадвыбарных апытанняў, фаварытам з'яўляецца Сацыялістычная партыя, за якую гатовыя прагаласаваць да 49% выбарнікаў, у той час як Кансерватыўную партыю падтрымлівае блізу 35%.

Папярэднія вынікі выбараў будуць абнародаваныя цягам двух дзён.

Народны сход Албаніі складаецца са 140 дэпутатаў, якія абіраюцца па прапарцыйнай сістэме.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]