Шостую ноч запар на беларускіх метэастанцыях фіксуюцца тэмпературныя антырэкорды

Найхаладней было ў Лунінецкім раёне.

Шостую ноч запар на беларускіх метэастанцыях фіксуюцца тэмпературныя антырэкорды. Пра гэта паведамляе «Позірк» са спасылкай на аператыўныя і архіўныя звесткі Белгідрамета.

У ноч на 11 траўня перакрытыя тры лакальныя мінімумы. Халадней за ўсё было ў раёне метэастанцыі «Палеская» ў Лунінецкім раёне – 3 градусы марозу (ранейшы экстрэмум складаў -1,4 градуса, зарэгістраваны два гады таму). Абнавіліся мінімумы таксама ў Акцябрскім – 1,1 градуса ніжэй за нуль (было -0,8 у 1991 і 2023 гадах) і Лельчыцах – 1 градус марозу (-0,2 у 2023-м).

Сіноптык Дзмітры Рабаў прагназуе, што на наступным тыдні ёсць надзея на пацяпленне. У пачатку надвор'е пакуль яшчэ будзе вельмі няўстойлівым з сярэднім тэмпературным фонам, захаваецца вялікая верагоднасць замаразкаў. Але пачынаючы з серады прыйдзе доўгачаканае цяпло, і замаразкі паступова скончацца, затое чакаюцца туман і дажджы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]