ЗША ўхвалілі перадачу Украіне сотняў ракетаў для HIMARS і Patriot

Боепрыпасы належаць нямецкаму бундэсверу.

ЗША дазволілі Нямеччыне перадаць Украіне 100 ракетаў для сістэмаў супрацьпаветранай абароны (СПА) Patriot і 125 ракетаў вялікай далёкасці для артылерыйскіх комплексаў HIMARS і MARS II, піша The New York Times (NYT) са спасылкай на прадстаўніка амерыканскага кангрэса.

Хоць гэтыя боепрыпасы належаць бундэсверу, іх пастаўка ў іншыя краіны павінна ўзгадняцца з ЗША як з дзяржавай-вытворцай.

Украіна мае патрэбу ў саміх ЗРК Patriot, паколькі толькі яны здольныя эфектыўна збіваць расейскія балістычныя ракеты. Цяпер у яе ёсць восем такіх сістэмаў, але з іх працуюць толькі шэсць. Кіраўнік Мінабароны Нямеччыны Барыс Пісторыюс казаў у красавіку, што ў Берліна пакуль няма магчымасці перадаць Кіеву дадатковыя Patriot, аднак ён паабяцаў паставіць 30 ракетаў для ўжо наяўных ва УСУ амерыканскіх комплексаў і чатыры нямецкія сістэмы СПА IRIS-T SLM. Яшчэ 90 ракетаў для Patriot былі вывезеныя ў Польшчу з Ізраіля для наступнай перадачы Кіеву ў студзені, пісаў Axios.

Прэзідэнт Украіны Уладзімір Зяленскі заяўляў пра гатоўнасць набыць у ЗША 10 Patriot за $ 15 млрд. Аднак гэтая прапанова засталася без адказу. Тым не менш на фоне адмовы Расеі ад безумоўнага спынення агню і ўзмацнення абстрэлаў украінскіх гарадоў, якія прывялі да шматлікіх ахвяраў, заходнія хаўруснікі пачалі перамовы аб перадачы Кіеву дадатковых Patriot, казала крыніца Reuters. Бакі маюць намер дасягнуць адпаведнай дамовы да саміту NATO ў канцы чэрвеня.

Таксама да лета Украіна павінна атрымаць адну сістэму Patriot з Ізраіля, пастаўка якой была ўзгодненая з Белым домам пры прэзідэнту Джо Байдэну, казалі суразмоўцы NYT сярод амерыканскіх чыноўнікаў. Зяленскі адзначаў, што для поўнай абароны краіны патрэбна 25 такіх ЗРК. Паводле звестак Міжнароднага інстытута стратэгічных даследаванняў, у свеце эксплуатуюцца прыкладна 186 Patriot. Траціну з іх выкарыстоўваюць ЗША і блізу 40 – краіны Еўропы, уключаючы Украіну.

Новая сістэма Patriot складаецца з 5/8 пускавых установак, кожная з якіх абсталёўваецца чатырма ракетамі-перахопнікамі. Кошт аднаго снарада ацэньваецца на $4 млн, а самога комплексу – на $1 млрд.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]