Расея панесла шматлікія страты і зняславілася фэйкам у Тарэцку
2- 11.05.2025, 14:03
- 6,294
УСУ паказалі, як адбілі маштабную атаку ворага.
У пачатку траўня расейскія захопнікі панеслі сур'ёзныя страты ў Тарэцку Данецкай вобласці, дзякуючы зладжаным дзеянням байцоў 100-й асобнай механізаванай брыгады Сухапутных войскаў УСУ. У той самы час акупанты не перастаюць прысвойваць сабе фэйкавую перамогу на фоне ўласных паразаў.
Відэа з наступствамі шматлікіх стратаў расейскага войска ў тэхніцы і жывой сіле апублікавалі ў Telegram-канале «Аператыўны УСУ». На кадрах можна ўбачыць мноства знішчанай ваеннай тэхнікі ворага і ліквідаваных акупантаў.
Адзначаецца, што салдаты РФ спрабавалі ажыццявіць наступальныя дзеянні ў цэнтры Тарэцка. Аднак падраздзяленні 100-й асобнай механізаванай брыгады УСУ правялі шэраг контратак, што прывяло да паляпшэння іх тактычнага становішча.
«Вораг не чакаў такога развіцця падзей і пацярпеў шматлікія страты. Былі знішчаныя і рэзервы, якія вораг увёў у бой для стабілізацыі становішча (тыя самыя рэзервы, якія расейцы трымалі для ўводу ў бой для развіцця ўласнага наступу)», – гаворыцца ў паведамленні.
Са свайго боку Сілы абароны Украіны таксама неслі страты ў тэхніцы і асабовым складзе. Расейскія войскі захапілі ў палон аднаго ўкраінскага байца, якога адразу ж выкарысталі для прапагандысцкіх мэтаў.
«Спекулюючы датамі, лічбамі і інфармацыйнымі матэрыяламі, вораг сваю паразу спрабуе перакруціць у тактычную перамогу. І разганяе ў сваіх сацыяльных сетках матэрыялы з патрэбнымі яму акцэнтамі, засяродзіўшыся на нападзе падчас так званага "перамір'я". Заўважым, што падзеі адбываліся яшчэ ў пачатку месяца», – гаворыцца ў паведамленні.
Украінскія абаронцы прадаўжаюць весці цяжкія абарончыя баі супраць праўзыходных сілаў ворага ў горадзе Тарэцк, які сёння набыў для расейцаў такое ж сімвалічнае значэнне, як Сталінград для нямецкага войска падчас Другой сусветнай вайны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
