У Менску прадаецца кватэра амаль за $2 мільёны

У ёй яшчэ ніхто не жыў.

На вуліцы Ціміразева ў Менску выстаўлена на продаж двухузроўневая кватэра, і гэта, бадай, адна з самых дарагіх прапаноў на рынку нерухомасці Менска. Яе кошт - $1 699 000 паводле курсу, піша «Онлайнер».

Жыллё хаваецца ў доме 2008 года пабудовы, пры гэтым сама кватэра выглядае так, быццам яе інтэр'ер вытканы з фантазій пра каралеўскае жыццё. Тут няма ні намёку на сціпласць: пазалота, крышталь, молдынгі і мармур на кожным кроку. Нават кухня ўпрыгожаная разьбянымі элементамі і ляпным дэкорам, а элементы аксаміту сустракаюцца не толькі ў тэкстылі, але і на столі. Так што аматарам мінімалізму лепш адразу закрыць укладку.

Са слоў уладальнікаў, уся мэбля прывезеная з Італіі, а многія элементы ў інтэр'еры вырабляліся паводле аўтарскіх эскізаў.

Кватэра займае 334 «квадраты». І без таго немаленькую плошчу візуальна павялічвае вялікая колькасць люстэркаў, выкарыстаных у аздабленні. Вышыня столяў таксама каралеўская - 3 метры. На першым паверсе размяшчаецца кухня, гасцёўня з камінам, спальня і ванны пакой. На другім - майстар-спальня з уласным санвузлом і джакузі, яшчэ дзве спальні і некалькі гардэробных.

З гасцёўні наверх вядзе вытанчаная каваная лесвіца. Хол другога паверха сустракае незвычайнымі столямі - яны з вітражным шкленнем, як у старадаўніх палацах або касцёлах.

Спачывальні таксама выглядаюць раскошна - гаспадары кінулі эстэтычны выклік спакою і супакаенню. Але затое паклапаціліся аб найлепшай гукаізаляцыі, дадаўшы мяккія панэлі на сцяну.

Нягледзячы на класічны інтэр'ер, напаўненне кватэры цалкам сабе сучаснае: напрыклад, тут ўстаноўленая сістэма «Разумны дом».

Аднак набыць такі палац у мініяцюры зможа не кожны. Кошт нерухомасці ўласнікі ацанілі на $1 699 000 у эквіваленце. Дарэчы, да гэтага ў кватэры ніхто не жыў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]