IT-сектар у Беларусі здаў пазіцыі

Масавая рэлакацыя не прайшла бясследна.

Доля IT-сектара ў эканоміцы Беларусі за чатыры гады скарацілася амаль у паўтара раза. Гэта вынікае са статыстычнага штогодніка “Беларусь у лічбах”, піша «Зеркала».

Па выніках 2024 года дзель такой галіны, як “інфармацыя і сувязь”, куды ўваходзіць IT, у эканоміцы займала 4,9%. А ў 2020-м яна была 7,3%.

Гэтая сфера дзейнасці тады апярэджвала сельскую гаспадарку, аперацыі з нерухомасцю, транспартнікаў і будаўніцтва. Цяпер з усіх гэтых кірункаў ззаду яе засталася толькі транспартная дзейнасць.

Паводле звестак Белстата, у студзені — сакавіку інфармацыя і сувязь павялічылі сваю ролю ў ВУП да 5,1%.

З іншых паказчыкаў галіна таксама стала сыходзіць з лідараў. Так, у сярэднім заробкі з 2021-га да 2024-ы ў краіне выраслі на 57%. Гэта паказчык без уліку інфляцыі. А ў спецыялістаў інфармацыі і сувязі — усяго на 22,5%. Што тычыцца рэальных заробкаў, то два гады запар яны падалі, а ў мінулым вярнуліся да росту, павялічыўшыся на 3,6%.

Калі ў 2021-м у сферы працавалі 3,4% ад усіх занятых, то ў 2024 — м-усяго 3%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]