Пад Менскам хочуць пабудаваць «прэстыжную» вёску

Пад забудову аддадуць сельгаспалі.

Каля МКАД-2 плануюць узвесці пасёлак з катэджамі і таўнхаўсамі. Ён будзе размяшчацца недалёка ад вёскі Мар'яліва, за 10 км ад Менска, піша Realt.

Пад забудову могуць адвесці блізу 8 га былых сельскагаспадарчых угоддзяў.

З трох бакоў пасёлак будзе межаваць з ворнымі землямі, у суседстве з паўднёвага боку – сядзібная забудова.

У планах узвесці 33 аднакватэрныя жылыя дамы і 5 таўнхаўсаў на 32 кватэры. Таксама там з'явіцца неабходная інжынерна-транспартная інфраструктура.

Плошча кожнага катэджа складзе блізу 200 м2, кватэры ў таўнхаўсах – прыкладна на 140 м2.

Дамы, што будуць стаяць асобна, займеюць уласныя прысядзібныя надзелы 10-11 сотак, каля таўнхаўсаў прадугледжаныя толькі невялікія індывідуальныя зялёныя зоны. Таксама на тэрыторыі квартала з'явяцца дзіцячыя і спартовыя пляцоўкі, зоны адпачынку і паркоўкі.

Пра тое, каму будзе прапанаванае жыллё ў прэстыжнай вёсцы пад Менскам, пакуль не гаворыцца.

Праект вынясуць на грамадскае абмеркаванне. З 14 да 28 траўня будуць прымаць заўвагі і прапановы. Азнаёміцца з архітэктурна-планіровачнай канцэпцыяй забудовы ў электронным выглядзе можна на сайце Менскага райвыканкама.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]