Зяленскі падтрымаў удзел Трампа ў перамовах з Пуціным у Турцыі

Прэзідэнт Украіны таксама пацвердзіў паездку ў Турцыю 15 траўня.

Прэзідэнт Украіны Уладзімір Зяленскі пракаментаваў намер прэзідэнта ЗША Дональда Трампа адправіцца ў Турцыю 15 траўня, дзе плануюцца перамовы паміж лідарамі Украіны і Расеі.

Зяленскі заявіў, што падтрымаў ініцыятыву Трампа аб увядзенні неадкладнага і безумоўнага рэжыму спынення агню. З яго слоў, працяглая паўза ў баявых дзеяннях можа стварыць перадумовы для аднаўлення дыпламатычнага дыялогу. «Мы зацікаўленыя ў гэтым і гатовыя забяспечыць цішыню з нашага боку», - адзначыў кіраўнік дзяржавы.

Таксама ён выказаў згоду на наўпроставы дыялог з прэзідэнтам РФ Уладзімірам Пуціным. Зяленскі падкрэсліў, што гатовы асабіста прыбыць у Турцыю для ўдзелу ў перамовах, спадзяючыся, што расейскі бок не праігнаруе сустрэчу.

«Мы ва Украіне хацелі б бачыць Дональда Трампа сярод удзельнікаў гэтай размовы. Гэта важны крок, які можа паўплываць на сітуацыю. Прэзідэнт Эрдаган сапраўды здольны арганізаваць перамовы на самым высокім узроўні. Удзячны кожнаму, хто спрыяе гэтаму працэсу», - дадаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]