У Судане знішчаны самалёт, які паўгода таму паставілі з Беларусі

Згарэў дашчэнту.

У аэрапорце Порт-Судана быў знішчаны самалёт Іл-76ТД, які блізу паўгода таму прыляцеў у Судан з Беларусі. Пра гэта распавёў тэлеграм-канал аб авіяцыі «ОтВинта».

Борт пацярпеў у выніку атакі беспілотнікаў паўстаўцаў «Сіл хуткага рэагавання» (RSF) на аэрапорт Порт-Судана 4 або 5 траўня.

Паводле звестак «ОтВинта», ад самалёта «ў даслоўным сэнсе не засталося нічога - згарэў дашчэнту».

«Таксама паступіла інфармацыя, што сярод тэхнічнага персаналу, які абслугоўвае самалёт, былі грамадзяне Беларусі. На шчасце, ніхто з іх не пацярпеў», - адзначыла выданне.

Іл-76ГД Судану прадала беларуская грузавая авіякампанія RubyStar. Борт знаходзіўся ва ўласнасці айчыннага перавозчыка з 2014 года. 25 студзеня самалёт здзейсніў пералёт з Воршы ў Порт-Судан.

Праз напад паўстанцаў на аэрапорт Порт-Судана, цывільныя аб'екты і інфраструктуру ААН прыпыніла адпраўку гуманітарнай дапамогі ў краіну па паветры. Да нядаўняга часу аэрапорт Порт-Судана заставаўся адзіным у краіне, з якога ажыццяўляліся міжнародныя рэйсы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]