Маштабны збой электрычнасці паралізаваў лонданскае метро

Што вядома.

У Лондане 12 траўня адбыўся збой у энэргасістэме. Аварыя выклікала сур'ёзныя праблемы ў сталічным метрапалітэне: некалькі ліній былі прыпыненыя, а станцыі вымушаныя былі закрыцца.

Пра гэта паведамляе SkyNews.

Як паведаміла транспартная служба Transport for London (TfL), аварыя адбылася ў выніку праблемаў у нацыянальнай электрасетцы.

Інцыдэнт адбыўся прыкладна ў 14:30 паводле мясцовага часу, і адразу некалькі галоўных станцый лонданскага метрапалітэна былі зачыненыя.

Паводле звестак TfL, у выніку аварыі сама меней тры галіны метро былі цалкам спыненыя, яшчэ на шасці адбыліся значныя затрымкі або часткова спынілася праца.

У транспартнай службе дадалі, што некаторыя пасажыры маглі кароткачасова затрымацца ў тунэлях падчас збою.

Спецыялісты патлумачылі, што ў цэнтры Лондана адбыўся «тэхнічны збой» на лініі электраперадачы, які выклікаў прасяданне напружання, што і стала прычынай аварыі. Збой прыбралі цягам некалькіх секундаў, аднак ён выклікаў кароткачасовае спыненне падачы току і нават невялікі пажар, які ўдалося хутка патушыць.

«Праз кароткачасовае адключэнне сілкавання некалькі ліній часова страцілі электразабеспячэнне. Мы працуем над тым, каб як мага хутчэй цалкам аднавіць працу сеткі», – заявіла галоўная аперацыйная дырэктарка TfL Клэр Ман.

Да 17-й некаторыя станцыі метро ўжо зноў адчынілі. Затое фунікулёр над Тэмзай заставаўся зачыненым.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]