Інфляцыя выйшла з-пад кантролю Лукашэнкі
20- 13.05.2025, 10:43
- 15,304
Тэмп росту коштаў у Беларусі набірае абароты.
Тэмп росту коштаў у Беларусі набірае абароты, не жадаючы ўкладвацца ў рамкі, адведзеныя яму ўрадам. Беларуская інфляцыя ў красавіку зноў была вышэйшая за чаканні. Але хвалявацца не трэба. Здаецца, неўзабаве ўлады знойдуць вінаватых. Ім яшчэ і за бульбу давядзецца адказаць, піша выданне Plan B.
Паводле звестак Белстата, інфляцыя ў красавіку ў гадавым вылічэнні склала 6,5 адсоткаў. Хоць урад чакаў, што яна будзе не большая за пяць. Для гэтага ў пачатку года Міністэрства гандлю ўстанавіла цэнам месячны графік дапушчальнага росту. За чатыры месяцы інфляцыя ў параўнанні з пачаткам года павінна была скласці 2,7 адсотка.
Па выніку цэны выраслі на 3,8 адсотка. На такім узроўні Міністэрства гандлю прагназавала інфляцыю да кастрычніка. Але толькі за красавік кошты выраслі на 1%.
Пры гэтым харчовая інфляцыя ў красавіку склала ў гадавым вылічэнні 8,3 адсотка. Гэта значыць, хутчэй за ўсё кошты раслі там, дзе ўлады іх больш за ўсё любяць рэгуляваць. Праўда, як раз у красавіку пачало дзейнічаць частковае змякчэнне цэнавага рэгуляванне. І хоць яно было вельмі частковым, цэны гэта адразу адчулі.
Паводле ацэнкі экспэртаў BEROC, пры спрыяльным сцэнары інфляцыя паводле вынікаў года можа скласці 7-9 адсоткаў. Праўда, сцэнар можа апынуцца і не такім спрыяльным.
Нестабільная стабільнасць
Таму што беларускія ўлады, відавочна, адназначна выбралі сваім прыярытэтам эканамічны рост. Нават калі эканоміка будзе расці ў шкоду цэнавай і ўсякай іншай стабільнасці.
"Нацбанк зрушыў фокус на крэдытную падтрымку эканомікі, а забеспячэнне цэнавай стабільнасці становіцца другаснай задачай. Пра-цыклічная манетарная палітыка і ўзмацненне залежнасці Нацбанка ад выканаўчай улады саслабляюць інстытуты стабілізацыі эканомікі, што павышае імавернасць моцнай макраэканамічнай валацільнасць пры рэзкім пагаршэнні вонкавых умоў», — гаворыцца ў аглядзе BEROC.
Рублёвая грашовая маса за першы квартал вырасла н 6,1 адсотка, а разрыў паміж стаўкамі крэдытаў і дэпазітаў скараціўся да рэкордных мінімумаў. У першым квартале ён складаў крыху больш за адсотак, хоць у 2023-2024 гадах ён у сярэднім склаў больш за чатыры.
Гэта значыць, калі раней беларускі Нацбанк, пры ўсіх сваіх абмежаваных магчымасцях, усё ж такі клапаціўся аб цэнавай стабільнасці, то зараз пра яе паклапаціцца няма каму. Таму што метады, якімі клапоціцца аб цэнавай стабільнасці ўрад, вялікай разнастайнасцю і арыгінальнасцю не адрозніваюцца. Галоўнае - знайсці вінаватых. Але з гэтым ва ўрада атрымліваецца спраўляцца.
А вінаватыя ёсць
Вось не паспела Міністэрства гандлю заняцца пошукам прычын бульбянога крызісу, як вінаватыя адразу знайшліся. У тым, што бульбы ў краіне не стае, а кошты на яе растуць, апярэджваючы ўсе прагнозы, вінаватыя фермеры наогул і асобныя фермерскія гаспадаркі.
"Неаднаразова выяўляліся і спыняліся факты незаконнага вывазу бульбы з тэрыторыі Рэспублікі вялікагрузнымі аўтамабілямі», — гаворыцца ў паведамленні ведамства аб выніках праверкі.
А беларускія ўлады ні ў чым не вінаватыя. Беларускія ўлады ўсё рабілі правільна. Бульбы ў Беларусі стае. "Запасы ў сховішчах таксама пацверджаны выездамі работнікаў МАРГ”. Праўда, пры гэтым “звароты грамадзян” усё роўна чамусьці “паказваюць на істотныя перабоі ў пастаўках бульбы ў раздробныя аб'екты гандлю».
Гэтак жа і з інфляцыяй. Беларускія ўлады зрабілі для перамогі над інфляцыяй усё, што маглі. А калі інфляцыя пры гэтым не адпавядае іх прагнозам, то вінаваты ў гэтым, вядома, нехта іншы. Фермеры, якія злосна вывозяць бульбу і капусту, замест таго, каб запаўняць імі дзяржаўныя сховішчы. Прадаўцы, якія прадаюць коштамі, якія не адпавядаюць дзяржаўнаму мэтавыму прагнозу. І пакупнікі, якія купляюць лішняе.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
