«Бульбяны лось з'еў усю нашу бульбу!»

Беларуска расказала пра знікненне бульбы з крамаў.

Пастаянная чытачка сайта Charter97.org даслала ў рэдакцыю ліст, у якім расказала пра бульбяны дэфіцыт у краіне:

- Нашая сям’я з 4 чалавек вельмі любіць бульбу, таму мы з восені купляем 3-4 мяхі на восеньскіх кірмашах. Там і якасць лепшая, і цана прымальная. Ну і завінуўшыся ўвосень, цэлую зіму вызваленыя ад гэтага клопату - цягаць бульбу ў руках з крамы.

Сёлета нашая сям’я пабольшала: дачка выйшла замуж, і маладыя пакуль жывуць з намі. Бульбы з гэтай прычыны нам не выстарчыла. Распешчаная фермерскай бульбай, пайшла я ў краму - а там і выбіраць няма з чаго!

Божухна ты мой! Я і падумаць не магла, што беларусы так гаруюць! Гэта ж не бульба, а здзек з народа: брудная, пабітая, паедзеная драцянікам ды пагрызеная мышамі. Ды мы ў маім дзяцінстве свіней на вёсцы лепшай картопляй кармілі!

Выйшла я з сваёй крамкі пры доме ды рушыла ў “Еўраопт”. Там выбраць бульбу можна толькі з маладой, але ж і кошт адпаведны. Вярнулася я дадому з пачкам макароны, грэчкі і рысу дый кажу сямейнікам: “Бульбяны лось усю бульбу паеў, пераходзім на крупы”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]