У беларускіх школьнікаў з'явіўся яшчэ адзін спосаб трапіць у ВНУ без экзаменаў

Кандыдаты павінны выканаць некалькі ўмоў.

У 2025-м да паступлення ў ВНУ і ліцэі без экзаменаў Нацыянальны дзіцячы тэхнапарк рэкамендаваў амаль 180 школьнікаў, піша БелТА.

Але стаць шчаслівымі прэтэндэнтамі на залічэнне ў выбраныя навучальныя ўстановы не так і проста. Даведаліся, што для гэтага трэба.

Кандыдаты павінны выканаць некалькі ўмоў. Напрыклад, сярэдні бал іх атэстата павінен быць не меншы за восем, каб атрымаць рэкамендацыю на паступленне без экзаменаў у ВНУ і ліцэі.

"Таксама дзіця павінна быць двойчы выпускніком дзённых змен Нацыянальнага дзіцячага тэхнапарка. І не менш за адзін раз прайсці навучанне ў сваім адукацыйным кірунку ў дыстанцыйнай форме", - патлумачыла намесніца дырэктара дзіцячага тэхнапарка Таццяна Шыбіцкая.

Паводле ейных слоў, у 2025 годзе запыты на атрыманне рэкамендацый прымаліся з 24 сакавіка да 15 красавіка. Прыйшло 184 заяўкі, 165 з якіх тычыліся паступлення ў сталічныя ВНУ, 7 – у рэгіянальныя. Астатнія запыты былі аб ліцэях.

Пасля пасяджэння назіральнай рады, якое прайшло 6 траўня, запаветныя рэкамендацыі атрымалі амаль усе ахвочыя - 179 чалавек з 184 прайшлі адбор.

З іх 164 школьнікі атрымалі шанец паступіць у сталічныя ВНУ без экзаменаў, 6 – у рэгіянальныя. Астатнія 9 чалавек змогуць паступіць у ліцэі. Для таго каб прайсці адбор, неабавязкова жыць у сталіцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]