ЗША і Саудаўская Аравія заключылі пагадненні на рэкордныя $600 млрд

Цырымонія падпісання пагадненняў прайшла ў Эр-Рыядзе ў прысутнасці Дональда Трампа.

ЗША і Саудаўская Аравія падпісалі пакет пагадненняў і інвестыцыйных абавязальніцтваў памерам больш як $600 млрд. Гэта найбуйнейшая эканамічная ўгода ў гісторыі супрацоўніцтва краінаў, паведаміў Белы дом.

Цырымонія падпісання пагадненняў прайшла ў Эр-Рыядзе ў прысутнасці прэзідэнта ЗША Дональда Трампа, які прыбыў у Саудаўскую Аравію з візітам 13 траўня, і спадчыннага прынца Мухамеда бен Салмана. Бакі дамовіліся паглыбіць стратэгічнае партнёрства і забяспечыць доўгатэрміновы эканамічны росквіт.

Згодна з дамоўленасцямі, саудаўская кампанія DataVolt інвестуе блізу $ 20 млрд у будаўніцтва дата-цэнтраў і энэргетычнай інфраструктуры на тэрыторыі ЗША. У сваю чаргу амерыканская карпарацыя GE Vernova паставіць у Саудаўскую Аравію газавыя турбіны і энэргаабсталяванне на $14,2 млрд.

14 траўня прэзідэнт ЗША наведае Катар, 15 траўня – ААЭ. Гэта першая доўгая замежная паездка спадара Трампа з пачатку ягонага другога прэзідэнцкага тэрміну. Axios пісаў, што Дональд Трамп мае намер заключыць з краінамі Персідскага заліва ўгоду на $1 трлн.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]