The Atlantic: Перад Мэрцам стаіць яшчэ адная задача
2- 14.05.2025, 10:44
- 2,616
Нямеччына абмяркоўвае лёс ультраправай партыі.
У Нямеччыне разгараецца палітычная навальніца вакол ультраправай партыі «Альтэрнатыва для Нямеччыны» (AfD), якую нядаўна Фэдэральнае ведамства ў ахове канстытуцыі (BfV) афіцыйна прызнала экстрэмісцкай арганізацыяй. Гэта пастанова адкрывае шлях да назірання за партыяй, яе магчымай інфільтрацыі і нават патэнцыйнай забаронай, піша The Atlantic (пераклад - ,сайт Charter97.org).
AfD выступае супраць іміграцыі, а некаторыя яе лідары, такія як Б'ёрн Хоке, рэгулярна робяць заявы, якія выклікаюць асацыяцыі з рыторыкай Трэцяга Рэйха. Нягледзячы на гэта, партыя атрымала амаль чвэрць месцаў у нямецкім парламенце на апошніх выбарах-з 76 да 152 мандатаў. Цяпер узнікае пытанне: ці можна дэмакратычным шляхам забараніць партыю, якую падтрымлівае значная частка насельніцтва?
«Гэта не проста канкурэнцыя партый. Супраць нас уся сістэма», - заявіў адзін з прыхільнікаў AfD на мітынгу ў Цюрынгіі. Такое ўспрыманне ўзмацняецца пасля пастановы BfV.
Крытыкі мяркуюць, што дзеянні выведкі - гэта атака на дэмакратыю. Былы кіраўнік BfV Ханс-Георг Маасэн сказаў: «У заходніх дэмакратыях неймаверна, каб спецслужбы сачылі за палітычнымі апанентамі. У Нямеччыне гэта стала нормай».
Асабліва папулярная AfD ва Усходняй Нямеччыне, дзе эканамічная няроўнасць і гістарычная памяць аб сачэнні часоў ГДР узмацняюць недавер да дзяржавы.
Парадаксальна, але закон забараняе партыі толькі ў выпадку, калі яны дастаткова моцныя, каб рэальна пагражаць дэмакратыі. AfD як раз дасягнула такога маштабу-занадта вялікая, каб яе ігнараваць, але і занадта вялікая, каб проста забараніць без наступстваў.
Цяпер на новага канцлера Фрыдрыха Мэрца кладзецца няпростая задача: даказаць, што дзяржава змагаецца не з апазіцыяй, а з радыкалізмам, не падрываючы пры гэтым саму дэмакратыю.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
