The National Interest: Адбыўся пераломны момант у гонцы ўзбраенняў
10- 14.05.2025, 15:54
- 17,716
ЗША знайшлі спосаб кіраваць гіпергукавай зброяй нават ва ўмовах радыёмаўчання.
Новая навігацыйная сістэма ЗША дапамагае абыходзіцца без сувязі, піша амерыканскае выданне The National Interest (пераклад - сайт Charter97.org).
Амерыканская абаронная кампанія Northrop Grumman здзейсніла важны прарыў у распрацоўцы гіпергукавай зброі, паспяхова пратэставаўшы інэрцыяльны вымяральны блок (IMU) на борце гіпергукавога планёра Talon-A. Гэта падзея, на думку экспэртаў, можа стаць пераломным момантам у гонцы ўзбраенняў, дзе ЗША дагэтуль саступалі Кітаю, Расеі, а магчыма, нават Ірану і Паўночнай Карэі.
Галоўная праблема, з якой сутыкаюцца ўсе распрацоўшчыкі гіпергукавых лятальных апаратаў, — гэта «чорны бар'ер»: страта сувязі і радыёлакацыйнага сачэння за гіпергукавым апаратам праз плазменную абалонку, якая ўтвараецца вакол яго на звышгукавой хуткасці. У гэты момант апарат становіцца «нябачным» нават для ўласнага войска — сувязі з ім няма, кіраванне немагчыма. Плазменны кокан хавае апарат ад радараў супраціўніка.
Пакуль Кітай экспэрыментуе з лазернай перадачай сігналаў «шостага пакалення», амерыканцы зрабілі стаўку на аўтаномную навігацыю. Менавіта такую функцыю і выконвае IMU, дазваляючы гіпергукавай зброі абыходзіцца без GPS, дакладна адсочваючы сваё становішча ў прасторы і карэктуючы курс да цэлі.
Са звестак Defense News, выпрабаванні, якія прайшлі ў снежні 2024 і сакавіку 2025 года, закончыліся поспехам: IMU не проста апраўдаў чаканні, але і перасягнуў іх. Наперадзе новыя тэсты на базе ВПС ЗША ў Холамане, штат Юта.
У Пентагоне разлічваюць, што гэтыя тэхналогіі дапамогуць ЗША вярнуць страчанае лідарства і аднавіць стратэгічнае стрымліванне. Прэзідэнт ЗША Дональд Трамп і кіраўнік Пентагона Піт Хегсэт абяцаюць зрабіць гіпергукавую зброю прыярытэтам абароннай палітыкі на найбліжэйшыя гады.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
