ЗША і Савудаўская Арабія абвясцілі пра пагадненне аб пастаўках зброі

Інвестыцыі Савудаўскай Арабіі могуць вырасці да 1 трлн даляраў.

Злучаныя Штаты Амерыкі і Савудаўская Арабія абвясцілі аб пагадненні аб пастаўках зброі на суму 142 млрд даляраў. Пра гэта піша BBC, падводзячы вынікі першага дня візіту прэзідэнта ЗША Дональда Трампа ў краіны Персідскай затокі.

"У першы дзень візіту ЗША і Савудаўская Арабія абвясцілі аб угодзе ў пастаўках зброі на суму 142 млрд даляраў, а таксама аб іншых інвестыцыях, якія, са слоў кронпрынца краіны, могуць у выніку скласці 1 трлн даляраў”, - паведамляе BBC.

BBC называе гэты візіт крокам наперад, параўноўваючы яго з прыёмам былога прэзідэнта ЗША Джо Байдэна, «які прыехаў у багатае нафтай каралеўства ў 2022 годзе, каб папрасіць дапамогі ў зніжэнні коштаў на паліва».

Выступаючы ў Эр-Рыядзе, прэзідэнт ЗША таксама паабяцаў скасаваць усе санкцыі супраць Сірыі, якія дзейнічаюць ужо больш за дзесяць гадоў і пасля ўцёкаў прэзідэнта Башара Асада страцілі свой сэнс. Бо Сірыя абрала новага пераходнага прэзідэнта, што адкрывае магчымасці для амерыканскай дыпламатыі.

Паведамлялася, што сірыйскі лідар Ахмед аш-Шараа імкнецца да сустрэчы з прэзідэнтам ЗША Дональдам Трампам падчас яго паездкі на Блізкі Усход. Шараа прапануе стратэгічнае пагадненне, якое ўключае амерыканскі доступ да сірыйскіх энергарэсурсаў, супрацоўніцтва з Ізраілем і будаўніцтва Trump Tower ў Дамаску.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]