Эстонія паспрабавала затрымаць адзін з караблёў «ценявога флоту» РФ

Судна ішло без сцяга.

Ваенна-марскія сілы Эстоніі спрабавалі затрымаць танкер з нафтай, які накіроўваўся ў Расею і знаходзіцца пад санкцыямі Вялікабрытаніі.

Пра гэта са спасылкай на заяву эстонскіх ВМС піша Reuters.

Інцыдэнт адбыўся ў аўторак, 14 траўня, паблізу вострава Найсаар, недалёка ад Таліна. Са звестак эстонскіх ВМС, судна ішло без сцяга.

Як паведаміў агенцтву камандзір Іва Варк, эстонскія вайскоўцы звязаліся з ім па радыё а 15:30. Паколькі судна ішло "без нацыянальнай прыналежнасці", Эстонія "была абавязана праверыць дакументы і прававы статус судна", растлумачыў Варк.

Экіпаж гэтага судна адмовіўся супрацоўнічаць з Эстоніяй, і таму ВМС краіны суправадзілі яго ў расейскія воды.

Гаворка ідзе аб судне "Jaguar", якое Вялікабрытанія дадала ў свой санкцыйны спіс у мінулую пятніцу, яно з'яўляецца адным з прыкладна 100 суднаў у так званым "ценявым флоце" Расеі.

У X міністр замежных спраў Эстоніі Маргус Тсакхна напісаў, што Расея "павінна сутыкнуцца з больш жорсткімі і хуткімі санкцыямі" у адказ на інцыдэнт.

У студзені 2025 года, пасля гучнага інцыдэнту з пашкоджаннем падводнай інфраструктуры ў Фінскай затоцы, JEF запусціла місію Nordic Warden, якая прадугледжвае маніторынг патэнцыйных пагроз для інфраструктуры ў 22 зонах, дзе засяроджана найбольшая колькасць такіх аб'ектаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]