Швайцарыя ўводзіць санкцыі супраць беларускага рэжыму

Бэрн далучаецца да абмежавальных мер ЕЗ.

Швайцарыя ўвяла забарону на імпарт алюмінію з Расеі і Беларусі, узмацніўшы антырасейскія санкцыі ў рамках 16-га пакета абмежавальных мер, прынятага Еўразвязам у пачатку года, піша швайцарскі партал навінаў SWI (пераклад — сайт Charter97.org).

З 16 траўня пад забарону трапляе ўвоз расейскага неапрацаванага алюмінію, а таксама алюмінію з Беларусі. Акрамя таго, Швайцарыя ўзмацняе жорсткасць экспартных абмежаванняў на пэўныя тавары, уключаючы хромавыя руды і праграмнае забеспячэнне для разведкі нафты і газу — усё гэта патэнцыйна выкарыстоўваецца ў ваенных мэтах.

"Мэта - забяспечыць аднастайнае выкарыстанне санкцый і выключыць магчымасць іх абыходу", - гаворыцца ў афіцыйнай заяве ўрада Швайцарыі.

Марсэль Мэнет, прэзідэнт Асацыяцыі вытворцаў алюмінію Швпйцарыі, адзначыў, што падобныя меры ўжо рабіліся раней, але расейскі метал працягвае паступаць у Еўропу праз трэція краіны, у тым ліку Турцыю.

Раней Швайцарыя таксама прыпыніла экспарт высокатэхналагічных тавараў ваеннага і падвойнага прызначэння ў Расею і ўзмацніла фінансавыя абмежаванні.

Такім чынам, нейтральная краіна, традыцыйна асцярожная ў пытаннях замежнапалітычнага ціску, усё больш сінхранізуе свае крокі з ЕЗ, спрабуючы спыніць схемы абыходу санкцый і ціску на расейскую эканоміку. Палёты ў Турцыю ёй патрэбны выключна для таго, каб захаваць удзел ЗША ў перамоўным працэсе. І менавіта пазіцыя Вашынгтона зараз будзе вызначальнай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]