Зяленскі: У Турцыю прыехала «бутафорская» дэлегацыя РФ
40- 15.05.2025, 13:05
- 30,354
Пуцін адправіў людзей, няздольных прымаць пастановы.
Прэзідэнт Украіны Уладзімір Зяленскі пасля прызямлення ў Анкары ў Турцыі ў чацвер, 15 траўня, заявіў, што Украіна можа быць прадстаўленая на перамовах з Расеяй на самым высокім узроўні. У той жа час узровень расейцаў больш падобны да «бутафорскага».
Пра гэта ён сказаў журналістам у аэрапорце, відэа заявы трансляваў Сядзіба прэзідэнта Украіны, піша New Voice.
Ён падкрэсліў, што ў Турцыю прыбыла дэлегацыя Украіны на самым высокім узроўні, уключаючы прадстаўнікоў МЗС, Сядзібы прэзідэнта, вайскоўцаў, выведкі. Гэта дазволіць прымаць усялякія пастановы, якія могуць прывесці да справядлівага міру.
Са слоў Зяленскага, пастанову наконт далейшых перамоў з расейцамі будуць прымацца пасля пашыранай сустрэчы ўкраінскай дэлегацыі з прэзідэнтам Турцыі Раджэпам Эрдаганам, на якой таксама будуць прысутнічаць прадстаўнікі ЗША.
«Узровень расейцаў - больш падобны да бутафорскі ўзровень. Мы падумаем, што будзем рабіць, якімі будуць нашыя крокі пасля размовы з прэзідэнтам Эрдаганам. Мы паглядзім, які ў расейцаў мандат і ці здольныя яны нешта самі прымаць, бо нам усім вядома, хто ў Расеі прымае пастановы», - сказаў Зяленскі і дадаў, што афіцыйна яму пакуль невядомы склад расейскай дэлегацыі для перамоў.
Раней 15 траўня ў Крамлі пацвердзілі, што дыктатар Уладзімір Пуцін не прыедзе на перамовы з Украінай у Турцыю. Замест гэтага ён адправіў у Стамбул свайго памочніка Уладзіміра Мядзінскага, намесніка кіраўніка МЗС Міхаіла Галузіна, намесніка міністра абароны Аляксандра Фаміна і начальніка ГУ Генштаба Ігара Касцюкова. Яны, магчыма, ужо прыбылі. Перамовы, як сцвярджае расейскае МЗС, могуць пачацца ў другой палове дня.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
