ЕЗ закрыў шчыліну для зняцця санкцый з расейскіх алігархаў

Падрабязнасці.

Еўрапейскі Звяз скарэктаваў крытэрыі, паводле якіх ацэньваецца магчымасць выключэння расейскіх алігархаў з санкцыйных спісаў. Пра гэта паведамляе РБК са спасылкай на пастанову Рады ЕЗ ад 13 траўня 2025 года. Нагодай для ўзмацнення жорсткасці сталі спробы фігурантаў абмежавальных спісаў аспрэчыць санкцыі ў Судзе Еўрапейскага Звязу, заяўляючы аб іх «неправамернасці».

Згодна з абноўленым парадкам, Еўразвяз адмаўляецца аўтаматычна ўважаць за сапраўдныя заявы падсанкцыйных асоб аб продажы актываў пасля 24 лютага 2022 года - даты пачатку расейскага ўварвання ва Украіну. Цяпер для выключэння з санкцыйнага спісу недастаткова сцвярджаць аб выхадзе з бізнэсу або перадачы актываў: неабходна падаць «дастатковыя, своечасовыя і надзейныя» довады, што фігурант больш не падпадае пад санкцыйныя крытэры. Акрамя таго, у выпадку адсутнасці пераканаўчай інфармацыі аб сапраўднасці такіх угод, санкцыі могуць быць распаўсюджаныя і на трэціх асоб - як фізічных, так і юрыдычных, - якія ўдзельнічалі ў перадачы актываў.

У дакуменце зазначаецца: расейскія ўлады абмяжоўваюць доступ да баз звестак і могуць наўмысна ўносіць недакладную інфармацыю ў дзяржаўныя рэестры. У прэамбуле да пастановы падкрэсліваецца, што паміж расейскай дзяржавай і вядучымі бізнэсоўцамі захоўваюцца «стасункі ўзаемнай выгады і падтрымкі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]