Трамп абвясціў аб угодах з ААЭ на $200 мільярдаў

Дзве краіны таксама дамовіліся аб паглыбленні супрацоўніцтва ў сферы штучнага інтэлекту.

Прэзідэнт Дональд Трамп паабяцаў умацаваць сувязі ЗША з Аб'яднанымі Арабскімі Эміратамі. Ён абвясціў аб угодах з гэтай дзяржавай Персідскай затокі на агульную суму больш за 200 мільярдаў даляраў.

Пра гэта паведамляе Reuters.

Дзве краіны таксама дамовіліся аб паглыбленні супрацоўніцтва ў сферы штучнага інтэлекту.

Пасля сустрэчы Трампа з прэзідэнтам ААЭ шэйхам Мухамедам бен Заідам Аль Нахаянам Белы дом паведаміў, што ён абвясціў аб угодах, якія ўключаюць абавязацельства Etihad Airways інвеставаць 14,5 млрд даляраў у 28 самалётаў Boeing 787 і 777x з рухавікамі вытворчасці GE Aerospace.

Міністэрства гандлю ЗША заявіла, што дзве краіны таксама дамовіліся аб стварэнні "Партнёрства ЗША і ААЭ ў паскарэнні развіцця штучнага інтэлекту", а Трамп і шэйх Махамед прысутнічалі на адкрыцці новага кампуса магутнасцю 5 ГВт у сферы штучнага інтэлекту, які стане найбуйнейшым за межамі Злучаных Штатаў.

Крыніцы паведамілі, што пагадненні дадуць гэтай краіне Персідскай затокі пашыраны доступ да перадавых чыпаў штучнага інтэлекту з ЗША пасля таго, як раней яна сутыкнулася з абмежаваннямі праз асцярогу Вашынгтона, што Кітай можа атрымаць доступ да гэтай тэхналогіі.

Паездка Трампа

Трамп пачаў візіт у ААЭ на апошнім этапе свайго турнэ па багатых дзяржавах Персідскай затокі, вітаючы планы Дохі інвеставаць 10 млрд даляраў у вайсковы аб'ект ЗША падчас паездкі ў Катар.

“У мяне няма ніякіх сумневаў у тым, што стасункі будуць толькі мацнець і паляпшацца”, - заявіў Трамп на сустрэчы з прэзідэнтам ААЭ шэйхам Мухамедам бен Заідам Аль Нахаянам.

“Ваш выдатны брат прыязджаў у Вашынгтон некалькі тыдняў таму і распавёў нам пра вашу шчодрую заяву наконт 1,4 трыльёна даляраў”, - сказаў Трамп, маючы на ўвазе абяцанне ААЭ інвеставаць 1,4 трыльёна даляраў у ЗША на працягу 10 гадоў.

Трамп меў на ўвазе шэйха Тахнуна бін Заіда Аль Нахаяна, брата шэйха Махамеда, дарадцу ў нацыянальнай бяспецы ААЭ і старшыні двух буйных суверэнных фондаў дабрабыту Абу-Дабі.

Трамп заявіў, што, магчыма, вернецца ў Вашынгтон 16 траўня пасля рэгіянальнай паездкі, якая пачалася 13 траўня, хаця, паводле ягоных слоў, “пункт прызначэння практычна невядомы”. Трамп намякнуў, што можа спыніцца ў Стамбуле для перамоў аб Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]