YouTube адмовіў лукашыстам у выдаленні 50-ці відэа

Звесткі справаздачы Google.

Google выпусціў штогадовую справаздачу, у якой распавядае, колькі запытаў ён атрымаў на выдаленне кантэнту і якую прыняў пастанову. Беларускія ўлады хацелі выдаліць 51 відэа з YouTube.

Колькасць запытаў на выдаленне кантэнту з Беларусі. Скрыншот са справаздачы Google

За 2024 год Google атрымаў 7 запытаў на выдаленне кантэнту з Беларусі - усяго 58 адзінак кантэнту. З іх 56 - гэта відэа на YouTube, адзін-вэб-пошук і яшчэ адзін не паказаны.

Два звароты былі ад неназванага дзяржаўнага органа. Адзін з іх - на выдаленне 51 відэа з YouTube. Прычына не пазначаная.

У запыце ім адмовілі. Гэта відаць, калі адсартаваць запыты адпраўнікаў за другое паўгоддзе і выбраць «дзяржаўныя службовыя асобы».

На сайце падаюцца выбраныя кейсы, аб якіх прымаў пастанову Google. Сярод кейсаў ёсць адзін за 2020 год - тады Міністэрства інфармацыі падало пазоў на выдаленне відэа з «экстрэмісцкімі матэрыяламі». Google адмовіў, бо ніякіх «экстрэмісцкіх матэрыялаў» у відэа не знайшоў.

Калі меркаваць са звестак Google, то пасля жніўня 2020-га ніводзін запыт ад дзяржаўных структур Беларусі ўхвалены не быў (за перыяд да 2019-га няма дэталёвай статыстыкі, таму меркаваць цяжка).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]