Сын расейскага алігарха зняславіўся, прыдумаўшы як перамагаць Канаду ў хакеі

Расейскі хакейны спецыяліст толькі рассмяшыў сеціва.

Раман Ротэнберг, сын расейскага алігарха Барыса Ротэнберга, галоўны трэнер нацыянальнай каманды Расеі 25 у хакеі, галоўны трэнер ХК СКА, першы віцэ-прэзідэнт Федэрацыі хакея Расеі (ФХР) дзіўна выказаўся аб перамозе над Казахстанам (4:1). Напярэдадні стала вядома, што Ротэнберг можа ўзначаліць і нацыянальную каманду РФ, піша «Телеграф».

Адпаведны каментар Ротэнберга прыводзіць афіцыйны сайт ФХР. Паводле яго слоў, нацыянальная каманда РФ у матчы з Казахстанам згуляла лепш за Канаду…

«У нас усе чатыры звёны правялі добры матч, яны гулялі на каманду, паказалі высокія хуткасці і адзіную камандную дысцыпліну. Заўсёды ёсць што паляпшаць. Адна прапушчаная шайба - для нас шмат. Агулам падолелі моцнага спаборніка.

І для нас было важна згуляць лепш за нацыянальную каманду Канады, якая будзе выступаць на чэмпіянаце свету. Я думаю, што хлопцы гэта выканалі», - заявіў Ротэнберг.

Заява Ротэнберга аб Канадзе выклікала хвалю жартаў у сетцы. Адзін з карыстачоў пажартаваў, што Раман знайшоў спосаб перамагаць канадцаў, нават не гуляючы з імі. Дастаткова перамагчы Казахстан, пасля чаго заявіць аб трыумфе над Канадай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]