Грамадзяне Тога патрапілі ў палон да УСУ

Іх падманам адправілі ваяваць за Расею.

Украінскія абаронцы ўзялі ў палон грамадзян Тога, якія ваявалі на баку Расеі. Сярод іх - маладыя хлопцы, якіх расейцы завабілі падманам.

Пра гэта паведамляе прэс-служба Міністэрства замежных спраў Тога.

«Улады Тога нядаўна атрымалі паведамленні аб выпадках захопу і затрыманні грамадзян Тога Узброенымі сіламі Украіны. Гэта адбылося падчас іх удзелу ў ваенных дзеяннях на баку расейскіх узброеных сілаў у рамках цяперашняга канфлікту», - сказана ў паведамленні МЗС.

У ведамстве дадалі, што большасць з тых тогалезцаў, якія патрапілі ў палон, паехалі ў Расею па праграмах стыпендый, якія прапаноўвалі расейскія структуры.

Міністэрства заклікала грамадзян Тога, асабліва моладзь, якая плануе навучанне за мяжой, праяўляць максімальную пільнасць і старанна правяраць усе прапановы стыпендыяльных праграм - асабліва калі гаворка ідзе аб навучанні ў Расеі.

«Міністэрства актыўна супрацоўнічае з шэрагам дыпламатычных партнёраў, каб растлумачыць сітуацыю і, па магчымасці, надаць неабходную дапамогу пацярпелым», - дадалі ў ведамстве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]