Навукоўцы: Дзецям карысна пісаць ад рукі

Напісанне тэксту асадкай дапамагае лепш запамінаць літары і словы.

Новае даследаванне ад навукоўцаў з Універсітэта Краіны Баскаў збольшага пацвярджае ідэю, што напісанне тэксту асадкай ці алоўкам дапамагае дзецям лепш запамінаць літары і словы.

Сучасныя дзеці з малых гадоў умела карыстаюцца гаджэтамі і не заўсёды разумеюць, навошта пісаць тэкст ад рукі, калі можна выкарыстоўваць клавіятуру. Таму каманда даследнікаў з Гішпаніі захацела разабрацца, наколькі навыкі класічнага пісьма важныя для засваення алфавіту і правілаў арфаграфіі.

Навукоўцы правялі эксперымент з удзелам 50 дзяцей, якія рыхтуюцца да навучання ў першым класе. Усе малыя былі носьбітамі гішпанскай, але яшчэ не ўмелі чытаць.

Дзяцей выпадковым чынам размеркавалі на чатыры групы. Удзельнікі дзвюх з іх вывучалі літары і словамі, выпісваючы іх: спачатку нехта паўтараў літары ад рукі, іншыя абводзілі іх. Дзеці з іншых дзвюх групаў асвойвалі матэрыял, набіраючы тэкст на клавіятуры: першыя – выкарыстаючы адзін і той самы шрыфт, іншыя – розныя.

Даследнікі адначасна ацэньвалі агульныя навыкі дзяцей: развітасць дробнай маторыкі, памяць, веданне гішпанскіх літараў. Акрамя гэтага, на дзвюх асобных сесіях малых прасілі запомніць літары з дзвюх незнаёмых моваў – армянскай і грузінскай. Пасля навучання дзеці праходзілі тэст на веданне вывучанага матэрыялу.

Як вынік, даследаванне паказала, што дзеці, якія навучаліся праз напісанне літараў ад рукі, стабільна паказвалі лепшыя вынікі: яны з большай дакладнасцю ідэнтыфікавалі патрэбныя літары і лепш запомнілі іх правапіс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]