Поўны блэкаўт: у Падмаскоўі тысячы людзей другі дзень застаюцца без электрычнасці

Праз найбуйнейшую за 15 гадоў аварыю.

Больш за 18 тысяч жыхароў Маскоўскай вобласці другі дзень жывуць без электрычнасці праз маштабныя снегапады, якія выклікалі найбуйнейшую за апошнія 15 гадоў аварыю ў электрасетках. Аб гэтым паведамілі ўлады рэгіёна, піша The Moscow Times.

На раніцу 3 траўня ў Падмаскоўі электразабеспячэнне адключанае ў 348 населеных пунктах. Гэта, прынамсі, «10 089 дамоў, у якіх пражываюць 18 160 чалавек, у тым ліку больш за 4,5 тысячы дзяцей», паведаміла крыніца ТАСС у экстранных службах.

Праз снегапады ў ноч на 2-га траўня ў 14 раёнах Падмаскоўя зафіксавалі падзенне больш чым 1,5 тысячы дрэў, праз што выходзілі са строю лініі электраперадач і падстанцыі. Пашкоджаныя 199 аўтамабіляў, удакладніла крыніца. Паводле інфармацыі суразмоўцы, аварыйныя працы па аднаўленні інфраструктуры вядуцца ў 11 гарадскіх акругах Падмаскоўя: Кліне, Дзмітраўскім, Пушкінскім, Сергіева-Пасадскім, Талдомскім, Мыцішчах, Хімках, Сонечнагорску, Істры, Краснагорску і Рузскім.

«У Падмаскоўі на поўначы блэкаўт ужо 24 гадзіны. Сотні вёсак без святла. СНТ Чырвоная горка, Мыцішчынская гарадская акруга - з 6 раніцы няма святла. Двое дзяцей, балазе ёсць генератар і газавая пліта. Поўны блэкаўт», - пішуць мясцовыя жыхары ў сацсетках.

Гэтая аварыя стала найбуйнейшай за мінулае пятнаццацігоддзе, паведаміў гендырэктар ПАТ «Рассеткі Маскоўскі рэгіён» Аляксандр Пяцігор. З яго слоў, аднаўленчыя работы, у якіх задзейнічаныя 200 аварыйных брыгад, працягваліся ўсю ноч.

У «Рассетках» таксама растлумачылі, што прычынай маштабнага пашкоджання электрасетак стала масавае падзенне дрэў на правады на фоне снегападаў, мокрага снегу і замаразкаў. На шэрагу адцінкаў акрамя ліквідацыі абрываў, давялося ўсталёўваць новыя апоры ЛЭП, паведамілі ў службе.

У ноч на пятніцу ў Маскве выпала 22% ад травеньскай нормы ападкаў (або 14 мм), удакладніў спецыяліст цэнтра надвор'я «Фобас» Яўген Цішкавец. Напярэдадні губернатар Падмаскоўя Андрэй Вараб'ёў паведаміў аб 26 тысячах людзей, якія засталіся без электрычнасці ў выніку непагадзі. Паводле яго звестак, было абясточана 237 ліній электраперадач і 4,4 тысячы трансфарматарных падстанцый.

Улады паабяцалі ліквідаваць усе наступствы аварыі да канца дня 3 траўня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]