У Вялікай Брытаніі правыя папулісты ўпэўнена перамаглі на мясцовых выбарах
10- 3.05.2025, 13:42
- 4,294
У іх больш мандатаў, чым у дзвюх асноўных партый парламента - Кансерватыўнай і Лейбарысцкай.
У Вялікай Брытаніі правапапулісцкая Партыя рэформаў упэўнена перамагла на мясцовых выбарах. Галасаванне прайшло ў чацвер, 1 траўня, аднак асноўная частка галасоў была падлічаная ў пятніцу.
На выбарах разыгрываліся 1600 мандатаў у радах розных узроўняў - пачынаючы з графстваў, паведамляе Би-би-си. Партыя атрымала 676 месцаў.
Гэта больш, чым у дзвюх асноўных партый брытанскага парламента - Кансерватыўнай і Лейбарысцкай: яны атрымалі 317 і 99 мандатаў адпаведна. Усе 676 месцаў рэфармісты занялі ўпершыню. Кансерватары страцілі 674 крэслы, лейбарысты - 186.
Партыя рэформаў атрымала яшчэ адно месца ў Парламенце, перамогшы на давыбарах у выбарчай акрузе на паўночным захадзе Англіі. Палепшылі вынікі Ліберал-дэмакраты (368 месцаў у рэгіянальных рада, 162) і «Зялёныя» (80, 45).
«Я мяркую, мы цяпер сталі галоўнай апазіцыйнай партыяй замест Кансерватыўнай», — заявіў лідар рэфармістаў Найджэл Фарадж у эфіры радыё ВВС. З яго слоў, яго партыя зламала манаполію лейбарыстаў і кансерватараў, а яе поспех стаў «пачаткам канца» для апошніх - найбольш блізкіх да рэфармістаў паводле праграмы, паведамляе The Guardian.
Партыя рэформаў была створаная на аснове Партыі Брэксіту Фараджа. Ён адышоў ад палітыкі ў 2016 годзе, калі брытанцы прагаласавалі за выхад з Еўразвяза, але пазней вярнуўся, рэзка крытыкуючы як лейбарыстаў, так і кансерватараў.
У праграме правапапулістаў - зніжэнне падаткаў, забарона на прыцягненне нізкакваліфікаванай працоўнай сілы з-за мяжы, адмова ад ініцыятыў у абароне клімату.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
