CBS: Уолцу прапаноўвалі некалькі пасадаў на выбар пасля адстаўкі

Адна з іх – у Саудаўскай Аравіі.

Белы дом прапаноўваў Майку Уолцу выбіраць з некалькіх пасадаў пасля таго, як той страціў працу ў якасці дарадцы прэзідэнта ЗША ў нацыянальнай бяспецы.

Пра гэта тэлеканалу CBS News стала вядома ад крыніцаў, паведамляе «Еўрапейская праўда».

У гутарцы з кіраўніцай апарату Белага дому Сьюзэн Уайлс Уолцу было прапанавана некалькі пасольскіх пасадаў, сярод іншага ў Саудаўскай Аравіі.

Пасля нядоўгіх роздумаў Уолц абраў пасаду амбасадара ў ААН.

Паводле словаў крыніцаў, пятніца павінна была стаць апошнім днём Уолца ў Белым доме, а дзяржсакратар Марка Рубіё ўзяў на сябе паўнамоцтвы дарадцы ў нацбяспецы.

Рубіа і Уолц сустрэліся ў чацвер, каб пачаць перадачу справаў.

Як вядома, папярэдні дарадца Трампа ў нацбяспецы Майкл Уолц страціў пасаду пасля скандалу з даданнем журналіста ў чат мэсэнджара Signal, дзе абмяркоўваліся ваенныя ўдары па Емене.

Пасля гэтага СМІ называлі некалькіх прэтэндэнтаў на гэтую пасаду, сярод іншага спецыяльнага пасланніка Трампа Стыва Уіткафа і намесніка кіраўніка апарату Белага дому Стывена Мілера.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]