The Telegraph: Трамп становіцца больш варожа настроены да Пуціна
2- 3.05.2025, 16:35
- 2,470
Прэзідэнт ЗША пачынае ўсведамляць, што галоўнай перашкодай на шляху да канчатковай дамовы з'яўляецца Крэмль.
З кожным днём з'яўляецца ўсё больш доказаў таго, што Дональд Трамп пераасэнсоўвае амерыканскую палітыку ў дачыненні да Украіны. Ягонае імкненне хутка скончыць з вайной сышло на нішто, але найважнейшай зменай з'яўляецца тое, што ён, магчыма, нарэшце ўсведамляе, што Пуцін нясе галоўную адказнасць за зрыў ягоных намаганняў. Яшчэ 11 сакавіка Трамп прапанаваў неадкладнае і безумоўнае 30-дзённае спыненне агню. Украіна пагадзілася, а Расея – не.
Падчас размовы з амерыканцамі Пуцін прадаўжаў абстрэльваць украінскія гарады, нягледзячы на ўсе заклікі Трампа спыніцца, у тым ліку абстраляўшы балістычнымі ракетамі Сумы ў Вербную нядзелю, у выніку чаго загінулі сама меней 34 чалавекі, адзначае Дэвід Блэр, галоўны каментатар знешняй палітыкі ў газеце The Telegraph.
Нядаўна прэс-сакратарка Дзярждэпу Тэмі Брус заявіла, што ЗША адмаўляюцца ад ролі пасярэдніка ва ўрэгуляванні вайны ва Украіне. Цяпер ініцыятыва павінна перайсці непасрэдна да Масквы і Кіева.
Раптоўнае звальненне Майка Уолца з пасады дарадцы нацыянальнай бяспекі таксама можна інтэрпрэтаваць як змену курсу адміністрацыі Трампа. Праўда, Уолц прытрымліваўся жорсткіх поглядаў на Расею: яшчэ ў панядзелак ён раіў прэзідэнту ўвесці жорсткія санкцыі супраць Пуціна, калі не будзе хуткага спынення агню.
Але, на думку аўтара, ягонае звальненне можа даць Трампу неабходнае прыкрыццё, каб змяніць курс і, як гэта ні парадаксальна, перайсці да палітыкі, якую раней прапаноўваў сам Уолтц.
– Усё гэта ўсё яшчэ можа выдавацца жаданым за сапраўднае, і Трамп цалкам здольны імгненна змяніць сваё меркаванне. Але яго прымірыцельная сустрэча з Уладзімірам Зяленскім на пахаванні Папы Францішка ў Ватыкане ў мінулую суботу магла стаць пераломным момантам, – мяркуе Блэр.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
