Расея на парозе эканамічнага крызісу

Прагноз украінскай выведкі.

Служба знешняй выведкі Украіны прагназуе, што Расейская Федэрацыя знаходзіцца на парозе эканамічнага крызісу.

У выведцы адзначылі, што на наступным тыдні Дзярждума РФ разгледзіць урадавы законапраект аб пераглядзе паказнікаў федэральнага бюджэту. Асноўнай прычынай такіх неадкладных дзеянняў з'яўляецца дысбаланс прыбытковай і выдаткавай частак бюджэту.

Сярод іншага, узмацненне негатыўных тэндэнцый у эканоміцы Расеі з'яўляецца вынікам істотнага перавышэння ўзроўню выдаткаў над прыбыткамі. Найперш, праз неабходнасць фінансаваць вайну супраць Украіны.

– Праз дысбаланс урад РФ вымушаны перагледзець федэральны бюджэт на 2025 год у бок павелічэння ягонага дэфіцыту на 250% (з 12 да 42 мільярдаў даляраў ЗША). Пры гэтым Міністэрства фінансаў РФ дэкларуе нязменнасць прагназаванага паказніка росту ВУП – на ўзроўні 2,5%, тлумачачы сваю логіку чаканым «павелічэннем ненафтагазавых прыбыткаў», – гаворыцца ў паведамленні.

Як растлумачылі ў СЗВУ, насамрэч гэта азначае беспрэцэдэнтны рост падатковага ціску на бізнэс у гісторыі сучаснай Расеі. Так, для нармалізацыі сітуацыі ў эканоміцы, урад РФ запланаваў павелічэнне паступленняў ад падатку на прыбыткі ад фізічных асобаў на 180%, падатку на прыбытак ад прадпрыемстваў – на 110%, а падатку на даданую вартасць – на 17%. І гэта пры тым, што да 30% прадпрыемстваў малога і сярэдняга бізнэсу ў Расеі ўжо на мяжы банкруцтва. Да канца 2025 года павелічэнне гэтага паказніка прагназуецца да 50%.

– Паводле заявы міністра фінансаў РФ Антона Сілуанава, «прыярытэты бюджэту РФ застаюцца нязменнымі... усе мэты нацыянальнага развіцця будуць выкананыя незалежна ад вонкавых умоваў і чыннікаў...». Аднак міністр фінансаў замоўчвае той факт, што прыбыткавая частка бюджэту РФ больш як на 30% залежыць ад экспарту расейскай нафты. За першы квартал 2025 года нафта маркі urals істотна страціла ў кошце, – піша выведка.

Так, на сёння набыццё расейскай нафты ў партах Прыморск і Наварасейск вагаецца на ўзроўні 47–49 даляраў ЗША за бараль, у той час як у бюджэт быў закладзены кошт на ўзроўні 69,7 даляраў за бараль. Такім чынам, падзенне нафтагазавых прыбыткаў Расеі ў гадавым выразе можа скласці да 30%, або 30–40 млрд даляраў, што фактычна роўна дэфіцыту бюджэту РФ на гэты год.

– У кантэксце маніпулявання афіцыйнай статыстыкай аналагічная сітуацыя з узроўнем інфляцыі. Расейскі ўрад закладвае паказнік на ўзроўні 7,6%, у той час як паводле нашых ацэнак, ужо сёння рэальная інфляцыя ў Расеі перавышае 20%, – рэзюмавалі ва ўкраінскай выведцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]