Лаўроў напісаў прадмову да кнігі, у якой адмаўляецца дзяржаўнасць Літвы

Кіраўнік МЗС Літвы Кястуціс Будрыс назваў манаграфію інструментам расейскай прапаганды.

Кіраўнік МЗС Расеі Сяргей Лаўроў стаў аўтарам прадмовы да манаграфіі «Гісторыя Літвы», якая адмаўляе існаванне літоўскай мовы і дзяржаўнасці гэтай краіны. Як піша «Агентство», кніга выйшла яшчэ ў сакавіку, аднак СМІ звярнулі ўвагу на яе толькі зараз.

Манаграфію «Гісторыя Літвы» ў 2025 годзе выпусціла выдавецтва «Міжнародныя дачыненні» пры МДІМЗ. Кіраўніком калектыву з дзявяці аўтараў стаў Максім Грыгор'еў - дырэктар пракрамлёўскага Фонду даследавання праблем дэмакратыі, член Грамадскай палаты РФ, удзельнік вайны ва Украіне і старшыня «Міжнароднага грамадскага трыбунала ў злачынствах украінскіх нэанацыстаў».

Лаўроў у прадмове абвінаваціў краіны Балтыі, у тым ліку Літву, у спробах «выкарыстаць сфальсіфікаваныя гістарычныя наратывы для стымулявання антырасейскіх і русафобскіх настрояў».

«Каштоўнасць гэтай кнігі палягае ў тым, што яе аўтары імкнуліся ўсебаковае, у навукова абгрунтаваным ключы прааналізаваць этапы развіцця зямель, якія ў розны час былі звязаныя з Літвой», – працягвае Лаўроў.

Кіраўнік МЗС Літвы Кястуціс Будрыс назваў манаграфію інструментам расейскай прапаганды. На думку палітыка, у ёй ставіцца пад сумнеў дзяржаўнасць, гісторыя, каштоўнасці, сімвалы Літвы, а таксама апраўдваецца імперыялізм і агрэсія Расеі супраць яе суседзяў. Ён таксама параўнаў ідэі кнігі з рыторыкай, якая суправаджала ўварванне Расеі ва Украіну.

Прафесар Гінтаўтас Мажэйкіс з Універсітэта Вітаўтаса Вялікага заявіў, што ў кнізе адмаўляецца існаванне літоўскай нацыі і літоўскай мовы, а таксама сцвярджаецца, што літоўская нацыянальная дзяржава была створаная славянамі і Расеяй. «Адмаўленне існавання Літвы вельмі падобнае на адмаўленне ўкраінцаў як нацыі», - мяркуе Мажэйкіс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]