Ашуканцы пад выглядам Улада Бумагі прапаноўвалі беларускім дзецям iPhone і Mercedes

А затым пачыналі паступаць тыя самыя «заданні».

У байнэце расказалі аб новай і небяспечнай схеме махлярства, нацэленай на дзяцей. Аферысты стваралі фэйкавыя старонкі, выдаючы сябе за блогера Улада Бумагу (Улада А4), і прапаноўвалі юным падпісантам удзельнічаць у «чэленджах», абяцаючы за гэта вялікія прызы. Аднак самі «заданні» могуць быць даволі небяспечныя, піша «Телеграф».

Як працуе падман? Зламыснікі выкарыстоўвалі вядомыя атрыбуты: фота Улада А4 на аватарцы, падобны нікнэйм. І нават спрабавалі імітаваць знак верыфікацыі (напрыклад, з дапамогай эмодзі-гачка).

Спачатку псеўда-Улад прыцягваў абяцаннямі фантастычных падарункаў: iPhone 16 Pro, пазадарожнік Mercedes або нават дом на беразе мора. Мэта – увайсці ў давер і ўцягнуць дзіця ў «гульню».

А затым пачыналі паступаць тыя самыя «заданні». Адно з іх, пра якое распавяла ТРК «Гомель» - дзіцяці прапанавалі зачыніць усе вокны ў кватэры і ўключыць фаеркі газавай пліты на тры гадзіны.

Іншыя сумнеўныя просьбы маглі ўключаць патрабаванне паведаміць хатні адрас (нібыта для «візіту ў госці» з камандай), а ў далейшым, імаверна, і спробы выбавіць рэквізіты банкаўскіх картак бацькоў або фатаграфіі персанальных дакументаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]